முத்தம் கொடுத்ததால் தமிழகத்தில் அடித்து துவைக்கப்பட்ட அமெரிக்கர்கள்

by **gud boy** Tue 3 Jan 2012 - 19:53

தூத்துக்குடி : இந்தியாவுக்கு வருகை தரும் வெளிநாட்டு பெண்கள் இந்தியர்களால் வன்புணர்வு செய்யப்படும் செய்திகளை படித்திருக்கிறோம். ஆனால் தமிழகத்தில் இளம் பெண்களை பாலியல் சேட்டை புரிந்த அமெரிக்கர்கள் பொதுமக்களால் அடித்து துவைக்கப்பட்ட சம்பவம் தூத்துக்குடியில் நடந்துள்ளது.
சரக்கு கப்பல் ஒன்றில் பாதுகாவலர்களாக பணிபுரியும் அமெரிக்க நாட்டவர்களான 48 வயதான ப்ரான்சிஸ், 47 வயதான டக்ளஸ் மற்றும் ஒருவர் என மூவர் தூத்துக்குடி துறைமுகத்தில் கப்பல் நிறுத்தி வைக்கப்பட்டதால் தூத்துக்குடிக்கு சென்றுள்ளனர்.

புத்தாண்டு தினத்தை ஒட்டி உணவகம் ஒன்றில் உணவருந்திய பின் மது அருந்திய அவர்கள் பாளையங்கோட்டை - தூத்துக்குடி சாலையில் சாலையில் நடந்து கொண்டிருந்த, இரு சக்கர வாகனத்தில் சென்ற மக்களுக்கு புத்தாண்டு வாழ்த்துக்களை கூறினர். பின் அமெரிக்க ஸ்டைலில் பாதையில் வந்த பெண்களின் கையை பிடித்து குலுக்கு வாழ்த்து கூறினர்.

ஒரு கட்டத்தில் உள்ளூர் பெண்களை முத்தமிட்டு புத்தாண்டு வாழ்த்துக்கள் கூறியதாக கூறப்படுகிறது. அவர்களின் நடவடிக்கையால் அதிர்ச்சியடைந்த பெண்கள் ஓட தொடங்க, இதை கண்ணுற்ற பொதுமக்கள் கோபமடைந்து இருவரையும் பிடித்து தர்ம அடி கொடுத்துள்ளனர். ஒருவர் தப்பித்து ஓடியுள்ளார்.

முன்னதாக அந்த அமெரிக்கர்கள் ஷூ மற்றும் பீர் பாட்டில்களோடு அங்குள்ள கோயில் ஒன்றில் நுழைய முயன்றுள்ளனர். பொதுமக்கள் அடித்து துவைத்த நிலையில் அங்கு நுழைந்த காவல்துறை அவர்களை மீட்டதோடு அவர்களின் மீது வழக்கு பதிவு செய்தனர். மேலும் அவர்களை தாக்கியதற்காக பொதுமக்கள் சிலர் மீதும் வழக்கு பதிவு செய்தனர்.

www.inneram.com