டைட்டானிக் பொருட்கள் ஏலம்

டைட்டானிக் பொருட்கள் ஏலம்
கடலில் மூழ்கி விபத்திற்குள்ளான உலகின் பிரபல்யமான பயணிகள் கப்பலான டைட்டானிக் கப்பலில் எஞ்சிய சேதமடைந்த பாகங்கள் வரும் ஏப்ரல் 15ம் திகதி பொது ஏலம் விடப்படவுள்ளது. இதில் குண்டூசி முதல் சமையலுக்கு பயன்படுத்திய பாத்திரம் வரை கடலில் மீட்டு எடுக்கப்பட்ட 5000 வகையான பொருட்கள் ஏலத்திற்கு வருகின்றன.

கடந்த 1912ம் ஆண்டு ஏப்ரல் மாதம் உலகப்புகழ்பெற்ற டைட்டானிக் பயணிகள் கப்பல், அமெரிக்காவின் வட அட்லாண்டிக் கடலில் சென்று கொண்டிருந்த போது பனிப்பாறையில் பயங்கரமாக மோதி விபத்துக்குள்ளானது.

இந்தக் கப்பலில் பயணித்த 2228 பேர்களில் 1800க்கும் மேற்பட்டோர் கடலில் மூழ்கி பலியாயினர். கடலில் மூழ்கி விபத்திற்குள்ளான டைட்டானிக் கப்பல் கடந்த 1984ம் ஆண்டு கனடாவின் நியூபவுண்ட் லேண்ட் கடல் பகுதியில் 4 கி. மீ. ஆழத்தில் மூழ்கி இருந்தது கண்டிபிடிக்கப்பட்டு, பின்னர் தனியார் நிறுவனம் ஒன்று 1987, 1993, 1994, 1996, 1998, 2000, 2004 ஆகிய ஆண்டுகளில் கப்பலில் எஞ்சிய பொருட்களை சேகரித்து வந்தது. இந்நிலையில் டைட்டானிக் கப்பல் மூழ்கியதன் 100ம் ஆண்டு தினத்தையொட்டி நியூயோர்க்கைச் சேர்ந்த கர்ன்ஷே என்ற ஏல நிறுவனம் வரும் ஏப்ரல் 15ம் திகதி ஏலம்விட முடிவு செய்துள்ளது. இந்த ஏலத்தில் குண்டூசி முதல் பெரிய பொருட்கள் என 5000 வகையான பொருட்களை ஏலம் விடப்போவதாகக் கடந்த டிசம்பர் 29ம் திகதி அறிவித்துள்ளது.