புகைப்பிடிக்கும் காட்சியில் நடித்த ஐஸ்வர்யாராய் மீது வழக்கு

ஐஸ்வர்யாராய், ஹிருத்திக் ரோஷன் ஜோடியாக நடித்த குஜாரிஷ் இந்திப் படம் நாளை மறுநாள் ரிலீசாகிறது.

இப் படத்தில் இருவரும் படுக்கையறை காட்சிகளில் நெருக்கமாக நடித்து இருப்பதாகவும் இதனால் ஐஸ்வர்யாராய் மீது அபிஷேக் பச்சன் கோபப்பட்டதாகவும் செய்திகள் வெளியாயின. இதற்கிடையில் இன்னொரு சர்ச்சையிலும் ஐஸ்வர்யாராய் சிக்கியுள்ளார். அவர் இப் படத்தில் புகை பிடிக்கும் காட்சியில் நடித்துள்ளார். அந்த காட்சியை மும்பை நகரம் முழுவதும் போஸ்டர்களாகவும், பேனர்களாகவும் விளம்பரம் செய்துள்ளனர்.

விளம்பரத்தில் ஐஸ்வர்யாராய் ஸ்டைலாக புகை பிடிப்பது போன்று காட்சி உள்ளது. இதற்கு சமூக சேவை அமைப்புகள் எதிர்ப்பு தெரிவித்து உள்ளன. ஐஸ்வர்யாராய்க்கும் படத்தின் இயக்குனர் சஞ்சய் லீலாவுக்கும் மிரட்டல்களும் வந்துள்ளது.

தேசிய புகையிலை ஒழிப்பு அமைப்பு பொதுச் செயலாளர் ஷேகர் சங்கர் இது பற்றி கூறும் போது, மும்பையில் வைக்கப்பட்டுள்ள ஐஸ்வர்யாராய் புகை பிடிக்கும் பேனர்கள் கண்டனத்துக்குரியது.

அவைகளை உடனடியாக அப்புறப்படுத்த வேண்டும். புகை பிடிக்கும் காட்சியில் நடித்த ஐஸ்வர்யாராய் மீது வழக்கு தொடரப்படும். இன்று அவருக்கும், இயக்குனருக்கும் வக்கீல் நோட்டீஸ் அனுப்பப்படும் என்றார்.

டாக்டர்கள் சங்கமும் இதனை கண்டித்துள்ளது. ஐஸ்வர்யாராய் புகை பிடிப்பதை பார்க்கும் இளம் வயதினர் அந்த பழக்கத்துக்கு ஆளாக நேரிடும். எனவே அக்காட்சியை நீக்க வேண்டும் என்று அச்சங்கத்தினர் கூறியுள்ளனர்.

இயக்குனர் சஞ்சய் லீலா கூறும் போது ஐஸ்வர்யாராய் விளையாட்டாக சிகரெட் பிடிப்பது போல் தான் அந்த காட்சி இருக்கும், இதனை பிரச்சினையாக்க வேண்டாம் என்றார்.

நல்லாக்கேளுங்க.....