அமெரிக்காவில் ரெயிலில் குழந்தை பெற்ற இந்திய பெண்

by **நண்பன்** Wed 18 Jan 2012 - 10:49

அமெரிக்காவில் உள்ள ஹாரிசன் என்ற இடத்தில் இந்திய பெண் ஒருவர் தனது
கணவருடன் வசித்து வந்தார். சமீபத்தில் தான் அவர்களுக்கு திருமணம் ஆகி
இருந்தது. நிறைமாத கர்ப்பிணியாக இருந்தார். அவருக்கு திடீரென வயிற்று வலி
ஏற்பட்டது. அவருக்கு சில நாட்கள் கழித்து தான் குழந்தை பிறக்கும் என்று
டாக்டர்கள் சொல்லி இருந்தனர்.

என்வே இது சாதாரண
வலியாகத்தான் இருக்க வேண்டும் என்று அவரது கணவர் கருதினார். எனவே மனைவியை
ரெயிலில் ஏற்றி மன்ஹாட்டனில் உள்ள ஆஸ்பத்தரிக்கு அழைத்து சென்றார். ஆனால்
வழியிலேயே அவருக்கு பிரசவவலி ஏற்பட்டு வலியால் துடித்தார். உடனே அக்கம்
பக்கத்தில் இருந்த பெண்கள் உதவ வந்தனர்.

அவர் ஓடும்
ரெயிலிலேயே ஆண் குழந்தை பெற்றெடுத்தார். அடுத்த ரெயில் நிலையம் வந்ததும்
அவரை அங்கிருந்து இறக்கி ஆம்புலன்சில் ஏற்றி ஆஸ்பத்திரிக்கு அழைத்து
சென்றனர். தாயும், குழந்தையும் நலத்துடன் உள்ளனர்.