இத்தாலி கப்பல் விபத்து: தலைமை மாலுமியை வீட்டுக்காவலில் வைக்க உத்தரவு

by *சம்ஸ் Thu 19 Jan 2012 - 6:26

இத்தாலி கப்பல் விபத்து: தலைமை மாலுமியை வீட்டுக்காவலில் வைக்க உத்தரவு
இத்தாலியில் பாறை மீது மோதி கப்பல் விபத்துக்குள்ளானதையடுத்து அந்த கப்பலின் தலைமை மாலுமியை வீட்டுக்காவலில் வைக்குமாறு நீதிமன்றம் உத்தரவிட்டுள்ளது. இதனிடையே பாறை மீது மோதி கடலில் கவிழ்ந்த கப்பலில் இருந்து மேலும் 3 உடல்கள் மீட்கப்பட்டுள்ளன.

இத்தாலி தலைநகர் ரோம் அருகில் உள்ள கிக்லியோ போர்டோ தீவுக்கருகில் உள்ள பாறை மீது மோதி, கோஸ்டா கான்கொரிடா என்ற சொகுசுக் கப்பல் கவிழ்ந்தது. இச்சம்பவத்தில், 6 பேர் பலியானதாக அறிவிக்கப்பட்டுள்ளது. தவறான முறையில் கப்பலை செலுத்தியதனால் இந்த விபத்து ஏற்பட்டதாக கூறப்படுகிறது.

இதனால் கோஸ்டா கான்கொரிடா சொகுசு கப்பலின் தலைமை மாலுமி பிரான்ஸிஸ்கோ செச்சிட்டினோ, கடந்த சனியன்று கைது செய்யப்பட்டார். அவர் மீது வழக்கு தொடரப்பட்டுள்ளது. இத்தாலியின் கிராஸ்சிட்டோ நீதவான் நீதிமன்றம் நேற்று முன்தினம் பிறப்பித்த உத்தரவில் கப்பல் தலைமை மாலுமி பிரான்ஸிஸ்கோ செச்சிட்டினோவை வீட்டுக்காவலில் வைத்து தொடர்ந்து கண்காணிக்குமாறு கூறியுள்ளது.