நக்கீரன் கோபால், இந்துராம் மீது முதல்வர் அவதூறு வழக்கு

by *சம்ஸ் Wed Jan 25, 2012 10:32 am

நக்கீரன் கோபால், இந்துராம் மீது முதல்வர் அவதூறு வழக்கு
சென்னை,
முதல்வரைப் பற்றி செய்தி வெளியிட்ட விவகாரத்தில் நக்கீரன் கோபால், இந்து ஆசிரியர் ராம் ஆகியோர் மீது முதல்வர் ஜெயலலிதா செஷன்ஸ் நீதிமன்றத்தில் அவதூறு வழக்கு தொடர்ந்தார்.

முதல்வர் ஜெயலலிதா சார்பில் மாநகர அரசு சட்டத்தரணி எம். எல். ஜெகன், செஷன்ஸ் நீதிமன்றத்தில் தாக்கல் செய்த மனு, முதல்வர் ஜெயலலிதாவுக்கு ஜாதி, மத பேதமில்லாமல் மக்கள் மத்தியில் நற்பெயர் உள்ளது.

அவரது நற்பெயருக்கு களங்கம் ஏற்படுத்தும் வகையில் ஜனவரி 7 ஆம் திகதி நக்கீரன் வாரமிருமுறை இதழில் அவதூறு கட்டுரை வெளிவந்துள்ளது.

மேலும், நக்கீரனில் வெளிவந்த கட்டுரையின் பகுதிகளையும் இந்து பத்திரிகை வெளியிட்டுள்ளது.

அதில், போயஸ் தோட்டத்திலிருந்து சசிகலா மற்றும் அவரது குடும்பத்தினர் வெளியேற்றப்பட்ட பின்னர் மயிலாப்பூர் பாதாள உலக கோஷ்டியினர் தோட்டத்துக் குள் நுழைந்துவிட்டது என்றும் செய்தி வெளியிடப்பட்டுள்ளது.

இந்து பத்திரிகையில் வந்த செய்தி உண்மைக்கு மாறானது. எனவே, இந்த செய்தியை வெளியிட்ட இந்து பத்திரிகையின் ஆசிரியர் ராம் மற்றும் கட்டுரை ஆசிரியர் கோலப்பன் ஆகியோர் மீது இந்த சட்டப் பிரிவுகளின் கீழ் நடவடிக்கை எடுத்து தண்டனை வழங்குமாறு உத்தரவிட வேண்டும்.

இவ்வாறு மனுவில் கூறப்பட்டுள்ளது. இந்த இரு மனுக்களும் விரைவில் முதன்மை செஷன்ஸ் நீதிபதி கலையரசன் முன்னிலை யில் விசாரணைக்கு வரவுள்ளது.