முதல்கட்ட சிகிச்சையில் புற்றுநோய் கட்டி பெருமளவு அழிந்துவிட்டது - யுவராஜ் சிங்

டெல்லி: அமெரிக்காவில் புற்றுநோய் கட்டிக்கு சிகிச்சை பெற்று வரும் யுவராஜ், முதல் கட்ட சிகிச்சையில் பெருமளவு புற்றுநோய் கட்டி அழிந்துவிட்டதாக ட்விட்டரில் தெரிவித்துள்ளார்.

இந்திய கிரிக்கெட் அணியின் மிடில் ஆர்டர் பேட்ஸ்மேன் யுவராஜ் சிங். இவருக்கு நுழையீரலுக்கு அருகே புற்றுநோய் கட்டி ஏற்பட்டது. இதற்காக இந்தியாவில் சிகிச்சை பெற்று வந்த அவர், கடந்த மாதம் மேல்சிகிச்சைக்காக அமெரிக்கா புறப்பட்டு சென்றார். அமெரிக்காவில் உள்ள பாஸ்டன் இன்ஸ்டியூட் ஆப் கேன்சர் ரிசர்ச் சென்டரில் யுவராஜ் சிங் தற்போது சிகிச்சை பெற்று வருகின்றார்.

அங்கு அவருக்கு கீமோதெரபி சிகிச்சை அளிக்கப்படுகின்றது. இதில் ரத்த நாளங்கள் வழியாக புற்றுநோய் எதிர்ப்பு மருத்துகளை செலுத்தி கட்டியை அழிக்கும் முயற்சியில் டாக்டர்கள் ஈடுபட்டுள்ளனர்.
Read: In English
இந்த நிலையில் ட்விட்டரில் கருத்து வெளியிட்டுள்ள யுவராஜ் கூறியதாவது,

டாக்டர் லாரன்ஸிடம் இருந்து இன்று மகிழ்ச்சியான செய்தி கிடைத்தது. எனது புதிய ஸ்கேனைப் பார்த்த போது, புற்றுநோய் கட்டி வெகுவாக அழிந்திருப்பது தெரிய வந்தது. இதனையடுத்து 2வது சுழற்சி முறை சிகிச்சை துவங்கி உள்ளது என்று தெரிவித்துள்ளார்.

யுவராஜ் சிங்கிற்கு நடக்கும் சிகிச்சை மார்ச் கடைசி வாரத்தில் முடியும் என்று தெரிகின்றது. யுவராஜ் சிங் சிகிச்சையை வெற்றிக்கரமாக முடித்து விரைவில் நாடு திரும்ப வேண்டும் இந்திய கிரிக்கெட் ரசிகர்கள் காத்திருக்கின்றனர்.

நல்ல கிரிக்கெட் வீரர் விரைவில் குணமடையட்டும்

ahmad78 wrote:நல்ல கிரிக்கெட் வீரர் விரைவில் குணமடையட்டும்

@. @.

யுவராஜ் சிங் சிகிச்சையை வெற்றிக்கரமாக முடித்து விரைவில் நாடு திரும்ப வேண்டும்