திஸ்ஸர சமரசிங்கவை உயர்ஸ்தானிகராக ஏற்க வேண்டாம்

by **நண்பன்** Mon 24 Jan 2011 - 9:14

இலங்கையின்
முன்னாள் கடற்படை தளபதி, திஸ்ஸர சமரசிங்கவை அவுஸ்திரேலியாவுக்கான
உயர்ஸ்தானிகராக நியமிப்பதற்கு அவுஸ்திரேலியாவில் உள்ள தமிழ் அமைப்புகள்
எதிர்ப்பை வெளியிட்டுள்ளன.

இதனையடுத்து இந்த விடயத்தில் அவுஸ்திரேலிய அரசாங்கத்துக்கு அழுத்தம் ஏற்பட்டுள்ளதாக கன்பரா தகவல்கள் தெரிவிக்கின்றன.
இலங்கை அரசாங்க தகவல்களின்படி சமரசிங்க, விரைவில் அவுஸ்திரேலிய உயர்ஸ்தானிகராக பதவியேற்கவுள்ளார்.
ஐக்கிய நாடுகள் சபையின் போர்க்குற்ற விசாரணைகள் இடம்பெறும் நிலையில்
அவரை உயர்ஸ்தானிகராக ஏற்றுக்கொள்வதா என்பது தொடர்பில் ஆராயவேண்டியுள்ளதாக
அவுஸ்திரேலிய வெளியுறவுத்துறை ஆராய்ந்து வருவதாக தெ ஹெரல்ட் செய்திதாள்
தெரிவித்துள்ளது.
மறுபக்கம், இலங்கை அகதிகளை அவுஸ்திரேலியாவுக்குள் செல்லவிடாது
கட்டுப்படுத்தும் விடயத்தில் இலங்கைக்கும் அவுஸ்திரேலியாவுக்கும் இடையிலான
புரிந்துணர்வு இதன்போது கருத்திற்கொள்ளப்படும் என்றும் ஹெரல்ட்
குறிப்பிட்டுள்ளது.
திஸ்ஸர சமரசிங்கவின் மீது போர்க்குற்றங்கள் தொடர்பில் நேரடி
குற்றச்சாட்டுக்கள் எவையும் இல்லை. எனினும் அவுஸ்திரேலியாவில் உள்ள
தமிழர்கள், போர்க்குற்றவாளியான சமரசிங்கவை நாட்டுக்குள் அனுமதிக்கவேண்டாம்
என வெளியறவு அமைச்சர் கெவின் ரூட்டிடம் வலியுறுத்தி வருகின்றனர்.
இவரின் நியமனம், இலங்கை இராணுவ ஆட்சி நாடாக மாறிவருவதன் அடிப்படை என அவுஸ்திரேலிய தமிழ் காங்கிரஸின் சாம் பாரி குறிப்பிட்டுள்ளார்.
இதேவேளை இறுதியுத்தத்தின் போது இலங்கையின் கடற்படைக்கு தலைமை தாங்கிய
சமரசிங்கவின் போர்க்குற்றங்களை சுமத்தும் வகையில் தாம், கடற்படையினரால்
இறுதியுத்தத்தின் போது பொதுமக்கள் மீது நடத்தப்பட்ட எறிகணை வீச்சுக்கள்
தொடர்பில் பதிவுகளை வைத்துள்ளதாக அவுஸ்திரேலியாவின் முன்னாள் சட்டமா அதிபர்
ஜோன் டௌட் தெரிவித்துள்ளார்.
ஏற்கனவே 2001 ஆம் ஆண்டு இந்த உயர்ஸ்தானிகர் பதவிக்கு மேஜர் ஜெனரல் ஜானக
பெரேரா நியமிக்கப்பட்டபோதும் எதிர்ப்புகள் வெளியிடப்பட்டன. எனினும் அவர்
2005 ஆம் ஆண்டு வரை அவுஸ்திரேலியாவுக்கான இலங்கை உயர்ஸ்தானிகராக
கடமையாற்றினார்