டெங்கு ஒழிப்புக்கு அனைவரையும் ஒத்துழைக்குமாறு அரசு கோரிக்கை

June 22nd, 2012 அன்று பிரசுரிக்கப்பட்டது.

நாட்டின் பல பாகங்களிலும் தொற்று நோய் போன்று பரவி வரும் டெங்குவை ஒழிப்ப அனைத்து நிறுவனங்கள், பொது மக்கள் அரசாங்கத்திற்கு பூரண ஒத்துழைப்பு வழங்க வேண்டும் என கோரிக்கை விடுக்கப்பட்டுள்ளது.

அரச மற்றும் தனியார் நிறுவனங்கள் உள்ளிட்ட எந்தவொரு இடத்திலும் டெங்கு நுளம்பு பரவும் சூழல் காணப்பட்டால் தராத்திரம் பாராது சட்ட நடவடிக்கை எடுக்கப்படும் என அரசாங்க தகவல் திணைக்களம் விடுத்துள்ள அறிக்கையில் தெரிவிக்கப்பட்டுள்ளது.

ஜனாதிபதி விசேட செயலணியுடன் இணைந்து சுகாதார அமைச்சு தற்போது டெங்கு ஒழிப்பு திட்டத்தை நடைமுறைப்படுத்தியுள்ளது.

எனினும் டெங்கு நுளம்பு பரவல் அதிகரித்துள்ளதாக அரசாங்க தகவல் திணைக்களம் விடுத்துள்ள அறிக்கையில் கூறப்பட்டுள்ளது.

அதனால் தேசிய தேவை கருதி டெங்கு ஒழிப்புத் திட்டத்திற்கு அனைவரும் ஒத்துழைப்பு வழங்க வேண்டும் என அறிக்கையில் சுட்டிக்காட்டப்பட்டுள்ளது.

இதேவேளை, டெங்கு ஒழிப்புக்கென செயற்திறனுடனான திட்டங்கள் செயற்படுத்தப்பட வேண்டும் என சுகாதார சேவை தொழிற்சங்க சம்மேளனம் குறிப்பிட்டுள்ளது.

டெங்கு ஒழிப்புக்கு ஒத்துழைக்க வேண்டிய சில முக்கிய அமைச்சுக்கள் கடமை தவறுவதால் டெங்கு நுளம்பு பரவுவதை தடுக்க முடியாதுள்ளதென அந்த சம்மேளனம் தெரிவித்துள்ளது.