உள்ளங்கை மழைத்துளி

by **rammalar** Sun 20 Jan 2013 - 6:59

-

எதிர் வீட்டுக் குழந்தை
உன் பெயர் சொல்லி
அழைக்கையில்…
நம்மைச் சேர்த்தே
திரும்பிப் பாரக்க
வைக்கிறது
காதல்!
-
என்னைக் கண்டவுடன்
உனது புருவம் உயர்த்திய
விழிகளுக்கும்
உனக்கும் தொடங்கி விடுகிறது
சண்டை
யார் முதலில்
நலம் விசாரிப்பதென…
-
பனிப்பிரதேசத்தில்
விழுந்த ஆப்பிளைப் போல்
சிலிர்த்தது..
உன் உள்ளங்கையில்
பட்டுத் தெறித்த
மழைத்துளி!
-
தெருவோரக் கூத்தில்
கயிற்றின் மேல் சிறுமி நடக்க
விழுந்து விடக்கூடாதென
நீயும்
நீ வருந்திவிடக்கூடாதென
நானும்
ஒரு சேர வேண்டிக் கொண்டிருந்தோம்
மனதில்!
-
========================
>சிவபாரதி, திருவாரூர்
நன்றி: கல்கி