பதுளை, மொனராகலை விபத்துக்களில் ஐவர் பலி ; மூவரின் நிலை கவலைக்கிடம்

பதுளை, மொனராகலை விபத்துக்களில் ஐவர் பலி ; மூவரின் நிலை கவலைக்கிடம்



பதுளை தினகரன் விசேட, ஹாலி - எல தினகரன் நிருபர்கள்

பதுளை, மொனராகலை ஆகிய இரு மாவ ட்டங்களிலும் மூன்று வெவ்வேறு சம்பவங்களில் ஐந்து பேர்
மரணமாகியுள்ளனர். சனி, ஞாயிறு ஆகிய இரு தினங்களிலேயே இச் சம்பவங்கள் இடம்பெற்றுள்ளன.
பதுளை மாவட்டத்தில் சனி இரவு பதுளை – பிபிலை பிரதான பாதையில் 32வது மைல்கல்லருகே
வேனொன்று பாதையை விட்டு விலகி தடம்புரண்டு விபத்திற்குள்ளாகியதில் மூன்று வயது
சிறிய குழந்தை, குழந்தையின் தாய், தகப்பன் ஆகிய மூவர் ஸ்தலத்தில் பலியாகியுள்ளனர்.
இவர்களுடன் மேலும் 8 பேர் கடுங் காயங்களுக்கிலக்காகியுள்ளனர். இவர்களில் மூன்று
பேரின் நிலை ஆபத்தான நிலையி லிருப்பதால், அவர்களில் இருவர் பதுளை அரசினர் மருத்துவ
மனை மற்றும் ஒருவர் மெனராகலை அரசினர் மருத்துவ மனை ஆகியவற்றில் தீவிர சிகிச்சைப்
பிரிவுகளில் அனுமதிக் கப்பட்டு, சிகிச்சை பெற்று வருகின்றனர்.
இவர்களின் நிலை கவலைக்கிடமாக இருப்பதாக மருத்துவமனை வட்டாரங்கள் தெரிவித்தன. 5 பேர்
பிபிலை அரசினர் மருத்துவமனையில் அனுமதிக்கப்பட்டுள் ளனர். இவர்களின் உடல்நிலை தேறி
வருவதாக மருத்துவமனை வட்டாரங்கள் தெரிவித்தன.

இவர்களுடன் வேன் சாரதி யும் சிகிச்சை
பெற்று வருவது குறிப்பிடத் தக்கது. லுனகலைப் பொலிஸார் மேற்படி விபத்து குறித்து
விசாரணைகளை மேற்கொண்டு வருகின்றனர்.
மொனராகலைப் பகுதியின் வெளியாய என்ற இடத்தில் தாயுடன் பாதையைக் கடந்துகொண்டிருந்த 6
வயது சிறுவன் மீது கெப் வாகனமொன்று மோதியதினால் கடுங் காயங்களுக்குள்ளான அச்சிறுவன்
மொனராகலை அரசினர் மருத்துவமனையில் அனுமதிக்கப்பட்டு, அங்கிருந்து பதுளை அரசினர்
மருத்துவமனைக்கு அம்புலன்ஸ் வாகனத்தின் மூலம் கொண்டு வரும் போது சிறுவன் மரணமானார்.
வெலியாயைச் சேர்ந்த மிகிந்து மனோகர என்ற 6 வவயது சிறுவனே மரணமானவராவார்.
இவ்விபத்து குறித்து மொனராகலைப் பொலிஸார் தீவிர புலன் விசாரணைகளை மேற்கொண்டுள்ளதுடன்,
கெப் வாகன சாரதியைக் கைதுசெய்துள்ளனர்.
மொனராகலை மாவட்டத்தின் மகாகலு கொல்லை என்ற இடத்தில் சமுர்த்தி உத்தியோகத்தரொருவர்
மோட்டார் சைக்கிளில் செல்லும் போது சைக்கிள் நாயொன்றுடன்மோதி மோட்டார் சைக் கிள்
பள்ளத்தில் பாய்ந்ததினால் கடுங் காயங்களுக்குள்ளான அந்நபர் மருத்துவ மனையில்
அனுமதிக்கப்பட்ட சில நிமி டங்களில் சிகிச்சை பயனின்று மரணமானார்.
மொனராகலைப் பகுதி சமுர்த்தி உத்தி யோகத்தரான எல். கே. ரணதுங்க என்ற 46 வயது
நிரம்பிய நபரே மரணமானவராவார். இச்சம்பவம் நேற்று அதிகாலை இடம்பெற்றுள்ளது.
நன்றி தினகரன்