அப்பா...! மனித வாழ்கை என்றால் என்ன?

by **Muthumohamed** Tue 5 Mar 2013 - 6:12

அப்பா...! மனித வாழ்கை என்றால் என்ன?

ஒரு சிறு பையன் தனது தந்தையுடன் செஸ் (Chess) விளையாடிக் கொண்டிருக்கும் போது ஒரு சுவாரஷ்யமான உரையாடல் நடை பெற்றது. முதலில் மகன் துவங்கினான்,

மகன்: அப்பா, "மனித வாழ்க்கை" என்று சொல்றார்களே, அது என்ன?

அப்பா: மகனே!வாழ்க்கை என்பது இரண்டு படைகளுக்கு இடையில், உன்னுள்
நடைபெறும் யுத்தமாகும். அதில் "தீயது" என்ற ஒரு படையிருக்கும்; அந்தப்
படையில் கோபம், பெருமை, பொறாமை, பொய், பேராசை போன்றவர்கள் இருப்பார்கள்...!

மற்றய படையின் பெயர் "நல்லது"; அமைதி, விசுவாசம் (ஈமான்), அன்பு, பொறுமை, உண்மை, பணிவு போன்றவர்கள் படையில் இருப்பார்கள்...

மகன்: சிறந்த மனிதன், மோசமான மனிதன் என்பவர்கள் யார்?

அப்பா: இந்த யுத்தத்தின் முடிவே "சிறந்த மனிதன்" அல்லது "மோசமான மனிதன்" என்பதாகும்.

மகன்: அப்போது, யுத்தத்தின் இறுதியில் என்னுள் எந்தப் படை வெற்றி பெறும்?

தந்தை: நீ எதற்கு மெருகூட்டி பயிற்சி கொடுக்கிறாயோ, அந்தப் படையே இறுதியில் வெற்றி பெறும்...!

·٠•பேனாவில் இருந்து காகிதத்தில் சொட்டிய மைத்துளிகள்•٠·