அண்ணல் நபி (ஸல்) அவர்களின் பொன் மொழிகள்..!

எவர் இறை இல்லத்திற்கு செல்லும் போதும், திரும்பும் போதும் (அதிக) எட்டுக்களை வைத்து செல்கின்றாரோ, அவரது ஒவ்வொரு எட்டுக்கும் செல்லும் போதும், திரும்பும் போதும் சுவர்க்கத்தில் அவரது அந்தஸ்துக்களை அல்லாஹ் உயர்த்துகிறான். (முத்தபகுன் அலைஹி).

ஒவ்வொரு நாளும் காலையில் அடியார்கள் எழும் போது இரு மலக்குகள் இறங்காமல் இல்லை. அவர்கள் இருவரும் இறங்கி அதில் ஒருவர் இவ்வாறு கூறுவார்: யா அல்லாஹ்! (அல்லாஹ்வின் வழியில்) வழங்குபவருக்கு அதை விட சிறந்ததை வழங்குவாயாக! மற்றவர்: யா அல்லாஹ்! (அல்லாஹ்வின் வழியில்) வழங்காது தடுத்துக்கொள்பவருக்கு அழிவை ஏற்படுத்தி விடுவாயாக! என்று பிரார்த்திப்பார். (முஸ்லிம்).

அபூ ஹுரைரா (ரலி) அவர்கள் கூறுகின்றார்கள், ‘எனது நண்பர் நபிகள் நாயகம் (ஸல்) அவர்கள் எனக்கு இவ்வாறு உபதேசம் செய்தார்கள்: ‘ஒவ்வொரு மாதமும் மூன்று நோன்பு நோற்குமாறும், லுஹாவின் இரண்டு ரக்அத்துகளை தொழுது வருமாறும், தூங்கச் செல்ல முன் வித்ரை தொழுமாறும்’ (முத்தபகுன் அலைஹி).

நபிகள் நாயகம் (ஸல்) அவர்கள் அல்லாஹ்விற்கு மிக விருப்பமான வார்த்தைகள் என்ன வென்று உமக்கு அறிவிக்கட்டுமா? எனக் கேட்டு விட்டு ‘ஸுப்ஹானல்லாஹி வபிஹம்திஹி’ எனக் கூறினார்கள். (முஸ்லிம்).

:# பகிர்வுக்கு ஜஸாகல்லாஹ்...