கர்ப்பகால முகப்பரு!

by *சம்ஸ் Thu 11 Apr 2013 - 7:53

கர்ப்பகாலத்தில் மேற்கொள்ள வேண்டிய முகப்பரு சிகிச்சை குறித்த ஆலோசனை இது. கர்ப்பகாலத்தில் கர்ப்பிணிகளுக்கு டென்சன் அதிகரிக்கும், மன அழுத்தமும் ஏற்படும். இதுவே பருக்கள் தோன்ற காரணமாகிறது.

தினந்தோறும் தியானம், யோகா செய்து வாருங்கள். மனஅழுத்தம் குறையும். மூச்சுபயிற்சிக்கு டென்ஷனை நீக்கும் சக்தி உண்டு. சரிவிகித சத்துணவு இன்மை, எண்ணெய் பலகாரம் அதிகம் சாப்பிடுதல் ஆகியவை காரணமாகவும் பருக்கள் தோன்றும். எனவே பழம்-காய்கறிகள் செறிந்த சரிவிகித ஊட்ட உணவுகளை உட்கொள்ளவேண்டும்.

எண்ணெய் பலகாரங்களை தவிர்க்கலாம். கர்ப்பகாலத்தில் ஹார்மோன்கள் சுரப்பு அதிகரிக்கும். இதனால் முகத்தில் ஆங்காங்கே பருக்கள் தோன்றலாம். அடிக்கடி முகத்தை கழுவுங்கள். தினசரி இரண்டு தடவை, கிளின்சர் வாயிலாக, முகம் துடைக்கலாம். தேன் சிறந்த இயற்கை மருந்து.

பரு உள்ள இடத்தில் தடவி, 15 நிமிடம் ஊறவைத்து, வெதுவெதுப்பான தண்ணீரில் கழுவினால், பருக்கள் படிப்படியாக காய்ந்து உதிர்ந்து விடும். கர்ப்பகால பருக்கள், அதிக அரிப்பு ஏற்படுத்துவதாக இருக்கும். அவசரப்பட்டு சொறியும் போது நகம் பட்டு, முகத்தில் புண்களை ஏற்படுத்திவிடும்.

எனவே பென்சாயில் பெராக்ஸைடு பூசுங்கள். அது முகப்பருவிற்கு சிறந்த நிவாரணம் தரும். முகப் பருவுக்காக போடப்படும் கிரீம்களில் `டிரிடீநாய்ன்' மற்றும் `ஐஸோடிரிடீநாய்ன்' என்ற சேர்மம் அடங்கியுள்ளது.

இது வைட்டமின் `ஏ'வான `ரெட்டினாய்க்` அமிலத்திலிருந்து உருவானது. இத்தகைய கிரீம்கள், முகப்பருவை போக்கவும், சூரியஒளியால் தோல் பாதிக்கப்படுவதையும் தடுக்கும்.