அமெரிக்காவின் இரட்டை கோபுரம் மீது தாக்குதல் நடத்திய விமானத்தின் பாகம் கண்டுபிடிப்பு

நியூ யார்க், ஏப். 27-

அமெரிக்காவின் நியூ யார்க் நகரம் நோக்கி பறந்துக் கொண்டிருந்த 4 பயணிகள் விமானங்களை கடந்த 11-9-2001 அன்று கடத்திய அல்-கொய்தா தீவிரவாதிகள், அந்த விமானங்களை நியூ யார்க்கின் கம்பீரச் சின்னமாக திகழ்ந்த இரட்டை கோபுரங்களின் மீது மோதி வெடிக்க வைத்தனர்.

இந்த தீவிரவாத தாக்குதலில் 2 ஆயிரத்து 996 பேர் பலியாகினர். 6 ஆயிரத்துக்கும் அதிகமானோர் படுகாயமடைந்தனர்.

சுமார் 12 ஆண்டுகளாக நினைவுச் சின்னமாக ‘கிரவுண்ட் ஜீரோ’ என்றழைக்கப்படும் அந்த இடத்தில் ஆயிரத்து 776 அடி உயரம் கொண்ட புதிய இரட்டை கோபுரம் கட்டப்பட்டு வருகிறது.

இந்நிலையில், அமெரிக்காவின் லோவர் மன்ஹேட்டன், கிரவுண்ட் ஜீரோ பகுதியில் உள்ள ஒரு மசூதியின் கட்டுமானப் பணிகளை பார்வையிட சென்ற அதிகாரிகள், சந்தேகப்படும் வகையில் பழுதடைந்த ஒரு இயந்திரம் காணப்படுவதாக போலீசாருக்கு தகவல் அளித்தனர்.

இதனையடுத்து, போலீசார் அங்கு விரைந்து சென்று பார்த்தபோது, இரண்டு கட்டிடங்களுக்கு இடையில் ஓர் இயந்திரம் சிக்கிக் கொண்டிருப்பது தெரிய வந்தது.

அதனை வெளியே எடுத்து ஆய்வு செய்த போது, விமானம் தரையிறங்கும் வேளையில் இயக்கப்படும் உபகரணம் அது என்பது தெளிவாகியது.

இரட்டை கோபுரம் மீது தாக்குதல் நடத்திய போயிங் விமானத்தின் பாகமாக அது இருக்கக்கூடும் என கருதிய போலீசார், அப்பகுதியில் காவலை பலப்படுத்தியுள்ளனர்.

மாலைமலர்

போங்கடா நீங்களும் உங்க ஆராச்சியும் #.

நண்பன் wrote:போங்கடா நீங்களும் உங்க ஆராச்சியும் #.

இனிமே இது கிடைச்சா என்ன கிடைக்காட்டி என்ன?

பானுகமால் wrote:

நண்பன் wrote:போங்கடா நீங்களும் உங்க ஆராச்சியும் #.

இனிமே இது கிடைச்சா என்ன கிடைக்காட்டி என்ன?

#. #.