சிரியா மீது இஸ்ரேல் மீண்டும் தாக்குதல்

by **நண்பன்** Mon 6 May 2013 - 12:23

இஸ்ரேல் யுத்த விமானங்கள் சிரிய தலைநகர் டமஸ்கஸை சூழவுள்ள பகுதிகள் மீது நேற்றைய தினத்தில் மீண்டும் தாக்குதல் நடத்தியுள்ளதாக சிரிய அரச ஊடகம் மற்றும் செயற்பாட்டாளர்கள் உறுதி செய்துள்ளனர். ஈரானால் தயாரிக்கப்பட்ட ஏவுகணைகள் லெபனானின் ஹிஸ்புல்லாவுக்கு கைமாறுவதை தடுக்கவே இந்த தாக்குதல் நடத்தப்பட்டிருப்பதாக நம்பப்படுகிறது.

சிரிய தேசிய தொலைக்காட்சி நேற்று வெளியிட்ட செய்தியில், இஸ்ரேல் ஏவுகணைகள் டமஸ்கஸின் புறநகர் பகுதியில் அமைந்திருக்கும் விஞ்ஞான ஆய்வு மையத்தின் மீது தாக்கியதாகவும் பலர் காயமடைந்ததாகவும் குறிப்பிடப்பட்டுள்ளது.

சிரியா மீது கடந்த மூன்று தினங்களுக்குள் இஸ்ரேல் நடத்தும் இரண்டாவது வான் தாக்குதல் இதுவாகும். இதன் மூலம் இஸ்ரேல் சிரியாவில் தொடரும் உள்நாட்டு யுத்தத்தில் தலையிட ஆரம்பித்திருப்பதாக அவதானிகள் குறிப்பிடுகின்றனர்.

இஸ்ரேலின் தாக்குதல் எமது இராணுவத்தின் மீது தாக்குதல் நடத்தும் தீவிரவாதிகளுக்கு சாதகமாக அமைந்திருப்பதாக சிரிய அரச ஊடகம் குறிப்பிட்டுள்ளது.

இஸ்ரேலின் தாக்குதலை உறுதிசெய்த மேற்கு புலனாய்வுத் துறை, ஹிஸ்புல்லா அமைப்புக்கு விநியோகிக்க கொண்டு செல்லும் ஈரான் தயாரிப்பு ஏவுகணைக ளையே இஸ்ரேல் தாக்கி அழித்திருப்பதாக குறிப்பிட்டுள்ளது.

இந்த தாக்குதல் காரணமாக இரவு வானில் பாரிய தீப்பிளம்பு வெளிப்படும் வீடீயோ இணையதளத்தில் பதிவேற்றப் பட்டுள்ளது.

இந்த வெடிப்பு பூமியதிர்ச்சி போல் பாரிய அதிர்வை ஏற்படுத்தியதாக டமஸ்கஸ் குடியிருப்பாளர்கள் அல் ஜkரா தொலைக்காட்சிக்கு கூறியுள்ளனர்.

டமஸ்கஸ் விமான நிலையத்திற்கு அருகில் தாக்குதல் நடத்தப்பட்டதாக இஸ்ரேல் சிரேஷ்ட இராணுவ அதிகாரி ஒருவர் ஏ. எப். பிக்கு குறிப்பிட்டுள் ளார்.