அகில இலங்கை ஆசிரியர்களுக்கான விளையாட்டுப் போட்டி

by **நண்பன்** Tue May 07, 2013 2:36 pm

அகில இலங்கை ஆசிரியர்களுக்கான விளையாட்டுப் போட்டியில் 100 மீற்றர் போட்டியில் ஆசிரியர் சிராஜுக்கு வெண்கலப் பதக்கம்

அகில இலங்கை ஆசிரியர்களுக்கான விளையாட்டுப் போட்டியில் சாய்ந்தமருது அல்-ஜலால் வித்தியாலய உடற்கல்வி ஆசிரியர் ரீ. கே. எம். சிராஜ் 100 மீற்றர் ஓட்டப் போட்டியில் அகில இலங்கை ரீதியில் 3ஆம் இடத்தைப்பெற்று வெண்கலப் பதக்கத்தை பெற்று சாதனை படைத்துள்ளார்.

இப்போட்டி கடந்த மாதம் பண்டாரவளை பொது மைதானத்தில் இடம்பெற்றது. இப்போட்டியில் கல்முனை வலயக் கல்வி பிரிவுக்குக் கிடைத்த ஒரேயொரு பதக்கம் இதுவாகும்.

இவ்வாசிரியரை பாராட்டி கெளரவிக்கும் நிகழ்வு அண்மையில் சாய்ந்தமருது அல்-ஜலால் வித்தியாலய அதிபர் எம். எஸ். நபார் தலைமையில் பாடசாலை விசேட காலைக்கூட்ட நிகழ்வில் இடம்பெற்றது.

இந்நிகழ்விற்கு பிரதம அதிதியாக கல்முனை வலயக் கல்விப் பணிப்பாளர் யு. எல். எம். ஹாkம் மற்றும் விசேட அதிதிகளாக சாய்ந்தமருது கோட்டக் கல்வி அதிகாரி எஸ். எல். எம். சலீம், உடற் கல்வி உதவிக் கல்விப் பணிப்பாளர் ஏ. ஏ. சத்தார் ஆகியோர் உட்பட பாடசாலை ஆசிரியர்களும் கலந்துகொண்டனர்.

இந்நிகழ்வின்போது, ஆசிரியருக்கு நினைவுச் சின்னம், பரிசில்களும் அதிதிகளால் வழங்கிவைக்கப்பட்டதுடன், க.பொ.த. சாதாரண மாணவர்களாலும் பரிசு வழங்கி கெளரவிக்கப்பட்டது.