அதிகாலையில் அருள் கிடைக்க பிரார்த்தனை!

அதிகாலையில் அருள் கிடைக்க பிரார்த்தனை!
உலகில் பல மாற்றங்களை அல்லாஹ் அதிகாலை நேரத்திலேயேசெய்கின்றான். நபி (ஸல்) அவர்கள் அல்லாஹ்விடம் இவ்வாறு துஆ கேட்டார்கள். “யா அல்லாஹ்! எனது சமூகத்திற்கு அதிகாலை நேரத்தில் அருள் வளத்தை நல்குவாயா!” ஆதாரம் :- அபூதாவூத்.

நபி (ஸல்) அவர்களின் இந்தப்பிரார்த்தனைக்கு எந்தத் தகுதியுமில்லாமல் அதிகாலை நேரத்தில் தூங்கிக் கொண்டிருக்கும் சமூகமாகவே நம் சமுகம் இருக்கின்றது.

பாத்திமா (ரலி) அறிவிக்கின்றார்கள்:- அதிகாலை நேரத்தில் நான் படுக்கையில் புரண்டு படுத்துக் கொண்டிருந்தேன். அந்நேரம் அண்ணலார் (ஸல்) என்னருகே வந்து தங்களது பாதங்களால் என்னை உசுப்பி விட்டு இவ்வாறு கூறினார்கள்:- “அருமை மகளே! எழு! அல்லாஹ்வின் வாழ்வாதாரங்கள் வழங்கப்படும் நேரத்திற்கு சாட்சியாளராக இரு. அலட்சியப்படுத்துபவராக மாறி விடாதே. அதிகாலை நேரத்திற்கும் சூரிய உதயத்திற்கும் இடையே இறைவன் (ரிஸ்க் எனும்) வாழ்வாதாரத்தை வழங்குகிறான்” ஆதாரம்:- பைஹகி

எனவே முஸ்லிம் சமூகம் சிந்திக்க வேண்டியிருக்கின்றது. எம்மில் எத்தனை பேர்தொழுகையை சரியாக நிறை வேற்றுகின்றார்கள். அதிலும் அதிகாரைத் தொழுகை ஸ¤பஹ் பள்ளி சென்று நிறைவேற்றக்கூடியவர்கள் ஒவ்வொரு ஊரிலும் விரல் விட்டு எண்ணக்கூடிய அளவு என்று சொன்னால் அதில் மிகையில்லை.

உபை இப்னு கஃஅப் (ரலி) அறிவிக்கின்றார்கள்:-

ஒரு நாள் அண்ணலார் (ஸல்) அவர்கள் ஸ¤பஹ் தொழுகை முடிந்த பின் எங்களை நோக்கித்திரும்பியவாறு கேட்டார்கள்; “இன்ன மனிதர் தொழுகைக்கு வந்தாரா? மக்கள் இல்லை என்று கூறினர். மீண்டும் கேட்டார்கள். மக்கள் இல்லை என்று கூறினர். பெருமானார் (ஸல்) அவர்கள் வேதனையுடன் இவ்வாறு கூறினார்கள். நயவஞ்சகர்களுக்கு இந்த இரு தொழுகைகளும் அதாவது (ஸ¤பஹ், இஷா) கடினமானவையாக இருக்கும். இந்த இரு தொழுகைகளில் கிடைக்கும் நன்மைகளை இவர்கள் அறிந்து கொண்டால் தவழ்ந்தேனும் இதற்காக வருவார்கள். ஆதாரம்:- புஹாரி முஸ்லிம்.

எனவே நபி (ஸல்) அவர்கள் கேட்ட மேற்கூறிய துஆவின் அருள் வளத்திற்கு அல்லாஹ் எம்மையும் தகுதியுடையவனாக ஆக்கியருள்வானாக.

றைஹானா றிலா
சம்மாந்துறை

நல்ல பதிவு பதிந்ததற்கு இறைவன் உங்களுக்கு நற்கூலி வழங்குவானாக