கர்நாடக தேர்தலில் காங்கிரஸின் எழுச்சியும் பாரதிய ஜனதா வீழ்ச்சியும்

கர்நாடக தேர்தலில் காங்கிரஸின் எழுச்சியும் பாரதிய ஜனதா வீழ்ச்சியும்
நாடு சுதந்திரம் அடைந்ததில் இருந்தே தனது கோட்டையாக இருந்த கர்நாடகாவை சில ஆண்டுகள் கை நழுவ விட்டாலும் மீண்டும் கைப்பற்றியுள்ளது காங்கிரஸ். கடந்த 1952ம் ஆண்டு நடந்த முதல் பொதுத் தேர்தலில் கர்நாடகாவில் காங்கிரஸ் வெற்றிபெற்று ஆட்சி அமைத்தது. 1977ம் ஆண்டில் நாடு முழுவதும் ஏற்பட்ட எதிர்ப்பு அலை காங்கிரஸை புரட்டி போட்டபோதும் கர்நாடகா காங்கிரஸ¤க்கு கை கொடுத்தது. அந்த தேர்தலில் இந்திரா காந்தி ரேபரேலி மக்களவை தொகுதியில் தோற்றார்.

பின்னர் 1978ம் ஆண்டு கர்நாடகாவில் உள்ள சிக்மகளூர் தொகுதியில் அவர் போட்டியிட்டு வெற்றிபெற்று எம்.பி. ஆனார். அந்த அளவுக்கு காங்கிரஸின் கோட்டையாக விளங்கிய கர்நாடகாவை 1983ம் ஆண்டு வரை அக்கட்சியே ஆட்சி செய்தது. 1983ம் ஆண்டில் தான் முதல் முறையாக ஜனதா கட்சி ஆட்சியை கைப்பற்றியது. அதன்பிறகு, மாறி மாறி ஆட்சிகள் வந்தபோதும், காங்கிரஸ¤க்கு கணிசமான ஆதரவு உண்டு. 2008ம் ஆண்டில் பெரும் எதிர்பார்ப்புடன் ஆட்சியமைத்த பா.ஜ.வும் அதன் முதல்வர் எடியூரப்பாவும் செய்த அரசியல் கூத்துக்களால் மக்களுக்கு ஏற்பட்ட வெறுப்பு காங்கிஸின் வெற்றியை அதிகமாக்கியுள்ளது 1989ம் ஆண்டில் 44% சதவீதம் வாக்குகளை பெற்ற காங்கிரஸ் இப்போது 37% வாக்குகளை பெற்றாலும் மாநிலத்தில் இன்னமும் பெரிய கட்சி அது தான். கடந்த தேர்தலில் 34% வாக்குகளை பெற்ற பா. ஜ. 14% வாக்குகளை இழந்து இப்போது 20% வாக்குகளை மட்டுமே பெற்றுள்ளது. மஜதவின் வாக்கு வங்கியும் பெரிதாக அதிகரிக்கவில்லை. கடந்த தேர்தலில் 19% வாக்குகளை பெற்ற அக்கட்சி இப்போது 20% பெற்றுள்ளது. தொடர்ச்சியான ஊழல் புகார்கள், முதல்வர்கள் மாற்றம், கட்சியில் பிளவு போன்ற காரணங்களால் பா.ஜ. படுதோல்வியை சந்தித்துள்ளது. பா.ஜ. வுக்கு கிடைத்திருக்கும் ஒரே ஆறுதல், காங்கிரஸ் ஆதரவு அலை வீசினாலும் அதன் மாநில தலைவர் பரமேஸ்வர் தோல்வி அடைந்திருப்பது தான் விசேட அம்சம்.

மக்கள் நல்ல முடிவு எடுத்துள்ளார்கள்

அங்க சரி.இங்க சரிவுதான்.