பிரதமர் மன்மோகன் சிங் ஜப்பான் பயணம்: அணு உலை பாதுகாப்பு குறித்து பேச்சு

பிரதமர் மன்மோகன் சிங் ஜப்பான் பயணம்: அணு உலை பாதுகாப்பு குறித்து பேச்சு
3 நாள் பயணமாக பிரதமர் மன்மோகன் சிங் இன்று ஜப்பான் புறப்படுகிறார். அணு உலை பாதுகாப்பு குறித்து பேச்சுவார்த்தை நடத்தப்படுகிறது.

பிரதமர் மன்மோகன் சிங் 3 நாள் சுற்றுப் பயணமாக (திங்கட் கிழமை) ஜப்பான் புறப்படுகிறார். கடந்த நவம்பர் மாதம் பிரதமர் ஜப்பான் செல்வதாக இருந்தது. அந்த நிகழ்ச்சி ஒத்திவைக்கப்பட்டு, தற்போது அவர் ஜப்பான் செல்கிறார். பிரதமருடன் தேசிய பாதுகாப்புக் குழு ஆலோசகர் சிவசங்கர் மேனன், பிரதமரின் முதன்மை செயலாளர் புலோக் சட்டர்ஜி மற்றும் மூத்த அதிகாரிகள் குழு செல்கிறது.

ஏற்கனவே ஆக்கபூர்வ அணு உலை பயன்பாட்டு பேச்சுவார்த்தை நடந்து வந்தது. கடந்த 2011 ஆம் ஆண்டு மார்ச் மாதம் ஜப்பானில் ஏற்பட்ட நில நடுக்கத் தால் புகுஷிமா அணு உலையில் விபத்து ஏற்பட்டது. இந்த சம்பவத்துக்குப் பின் இரு நாடுகளுக்கு இடையே அணு உலை தொடர்பான பேச்சுவார்த்தை நின்று போனது. பிரதமரின் தற் போதைய பயணத்தின் போது அணு உலை பாதுகாப்பு குறித்த பேச்சுவார்த்தை மீண்டும் தொடங்கு கிறது. இந்த தகவலை வெளிநாட்டு செயலாளர் ரஞ்சன் மத்தாய் தெரிவித்தார்.

அவர் மேலும் கூறியதாவது, பொதுவாக இரு நாடுகளுக்கு இடையே அணு உலை ஒப்பந்தம் ஏற்பட சிலகாலம் எடுத்துக்கொள் ளும். இது தொடர்பாக இந்தியா - ஜப்பான் இடையே நடந்த பேச்சுவார்த்தை கள் செயல் ஊக்கத்தை அளித்தன. ஆனால் ஒப்பந்தம் கையெழுத்து ஆவதற்கு, இன்னும் பல கட்ட பேச்சுவார்த்தைகள் நடத்தப்பட வேண்டி உள்ளது. இதற்கான இறுதி திகதியை சொல்ல முடியாது. இந்த ஆண்டின் இறுதிக்குள் ஒப்பந்தம் கையெழுத்து ஆகலாம். பேச்சுவார்த்தையில் நல்ல முன்னேற்றம் தெரிகிறது.

அடுத்து நடைபெறும் பேச்சுவார்த்தைகளின் போது அணு உலை பாதுகாப்பு குறித்து இந்தியா சந்தேகங்களை எழுப்பும். ஆக்கபூர்வ அணு பயன்பாடு குறித்து எந்த நாட்டுடன் பேச்சுவார்த்தை நடாத்தினாலும் பாதுகாப்பு முக்கியம் ஆகும். பாதுகாப்பு நடவடிக்கை தொடர்பாகவும் ஜப்பானுடன் பேச்சுவார்த்தை நடத்தப்படுகிறது.