பாகிஸ்தான் ஜனாதிபதியின் இரகசிய திருமணம்: அமெரிக்க வைத்தியர் மறுப்பு

பாகிஸ்தான் ஜனாதிபதி ஆசிப் அலி சர்தாரியை தான் இரகசிய திருமணம் செய்யவில்லை என அமெரிக்காவைச் சேர்ந்த சத்திர சிகிச்சை வைத்தியர் டன்வீர் சமானி தெரிவித்துள்ளார்.

பாகிஸ்தானிய ஜனாதிபதியான சர்தாரி கடந்த மாதம் டுபாயில் வைத்து அமெரிக்காவைச் சேர்ந்த சத்திர சிகிச்சை வைத்தியர் டன்வீர் சமானியை இரகசிய திருமணம் செய்து கொண்டதாக அந்நாட்டுப் பத்திரிக்கையொன்று செய்தி வெளியிட்டிருந்தது.

இவ்வைபவத்தின் போது 9 ஆடுகள், ஆறு பசுக்கள், மற்றும் ஒட்டகமொன்றும் பலிகொடுக்கப்பட்டதாக இணையத்திலும் செய்திகள் உலாவந்தன.

இவ்விடயம் தொடர்பில் அறிக்கையொன்றை வெளியிட்டுள்ள சமானி இது வெறும் வதந்தியெனவும் அவரை தான் சந்தித்ததே இல்லையெனவும், முன்னர் இவ்வதந்தி தொடர்பில் கருத்து தெரிவிக்க விரும்பவில்லையெனவும் தற்போது அச்சந்தர்ப்பம் எழுந்துள்ளதாகவும் தெரிவித்துள்ளார்.

எனினும் சர்தாரியின் வக்கீல்களும் இச்செய்தி தொடர்பில் கடும் கண்டனம் தெரிவித்துள்ளதோடு சட்ட நடவடிக்கைகளிலும் இறங்கியுள்ளதாகத் தெரிவிக்கப்படுகின்றது

சர்தாரியின் முன்னாள் மனைவியான பெனாசிர் பூட்டோ 3 வருடங்களுக்கு முன்னர் பாகிஸ்தானில் வைத்துக் கொலை செய்யப்பட்டார்.

முஷாரப்பிற்கு பின்னர் பாகிஸ்தானிய ஜனாதிபதியாக சர்தாரி பதவியேற்றார்.


நன்றி வீரகேசரி

:”@: