அவங்க அவங்கதான்... இவங்க இவங்கதான்!

by **Muthumohamed** Mon 3 Jun 2013 - 3:13

'அடுத்து
என்ன செய்வார்கள்?’ என்று யாருக் கும் தெரியாத, (ஏன்... சமயத்தில்
அவர்களுக்கே தெரியாத) எதிரெதிர்த் துருவங்கள் ராமதாஸ் மற்றும் விஜயகாந்த்.
இருவருக்கும் இடையேயான வித்தியாசங்கள் இவை...

மருத்துவம்
படித்திருந்தாலும் 'இது மிகவும் கொடிய நோய்... மிகவும் கொடியது’
என்ப‌துபோல அய்யா அவர்களே பரப்பிய வைரஸ் கிருமி, வட மாவட்டங்களைப் பதம்
பார்த்தது சமீபத்திய சரித்திர சாதனை!

கறுப்பு
எம்.ஜி.ஆர் என்று அழைக்கப்படும் கட்டதுரைக்குக் கட்டம் சரியில்லை. இவர்
பந்தைக் கையில் எடுத்தாலே நோ பால் என்கிறார்கள். சரி பேட்டிங்கில்
கலக்கலாம் என்றால், முதல் பாலிலேயே அவுட் என விரட்டுகிறார்கள். 'டென்னிஸ்ல
சிக்ஸர் அடிக்கக் கூடாதா?’ என அப்பாவியாய்க் கேட்கிறார் 'ஆங்’ கேப்டன்!

'குடிகாரன்
பேச்சு விடிஞ்சாப் போச்சு’ என்பார்கள். ஆனால் குடிப்பதைக் கொலைவெறியோடு
எதிர்க்கும் இந்த டாக்டர் பேசும் பேச்சுகள், சவால்கள், சத்தியங்கள் எல்லாம்
விடியறதுக்கு முன்னாலேயே போயிடும்!

மக்களோடும்
தெய்வத்தோடும் மட்டுமே கூட்டணி என மேடையில் முழங்கினாலும் 'அது வேற வாய்’
என துண்டுக்கு அடியில் கைகளைப் பிடித்துக் கூட்டணிப் பேசுவது கேப்டன்
ஸ்டைல். போயஸ் கார்டனுக்கு வரவ‌ழைத்துக் கூட்டணித் தொகுதிப்பங்கீடு பற்றி
எல்லாம் பேசி கடைசியில் அம்மாவே எக்குத்தப்பாய் தொகுதிப் பட்டியல்
வெளியிட்டு கேப்டனுக்கு அதிர்ச்சி கொடுத்திருந்தார். 'ஆரம்பத்திலேயே
சுதாரிச்சிருக்கணும்டா சூனா பானா’ என்பது கேப்டனின் தற்போதைய ரியாக்ஷன்!

கலெக்டர்,
தாசில்தார், வி.ஏ.ஓ. அவ்வளவு ஏன்... தலையாரி வரை, அய்யாவுக்குச் செல்லும்
இடமெல்லாம் கேட் போட்டுக் கடுப்பேற்றியதும், வெகுண்டெழுந்து
மகாபலிபுரத்தில் சித்திரைத் திருவிழா நடத்தி பவர் காட்டிப் பதறவைத்ததும்
இவருக்குப் பெருமை இல்லை, கடமை... கடமை!

சட்டப்பேரவைக்குள்
நுழைய இவருக்கும் இவர் கட்சி எம்.எல்.ஏ-க்களுக்கும் தடா போடப்பட்டதால்,
இவரும் கண்கள் பனிக்க இதயம் இனிக்க நிற்கும் க‌லைஞரை எதார்த்தமாக
சந்தித்துப் பதார்த்தமாகக் கூட்டணிக்கு அச்சாரம் போடுகிறார்!

முன்பு
2011-‍ல் எங்கள் ஆட்சி என்றார். இப்போது 2016-‍ல் எங்கள் ஆட்சி என்கிறார்.
2021-‍ல் இதையே சொல்வார் என நம்புவோமாக. எத்தனை தேர்தல், எத்தனை கூட்டணி
மாறினாலும் இந்தக் கூட்டிக் கழிச்சுக் குழப்பும் கணக்கு மட்டும் மாறப்போவது
இல்லை!

முன்பு தி.மு.க-வைக் கழுவிக்
கழுவி ஊற்றி அ.தி.மு.க-வின் வெற்றிக்குப் பாடுபட்டார். இப்போது என்ன
பேசினாலும் வழக்குக்கு மேல் வழக்காக‌ப் பாய்ந்து ஆளைப் படுத்தியெடுப்பதால்,
கருப்பு எம்.ஜி.ஆர் இப்போ கடுப்பு எம்.ஜி.ஆராகி நிற்கிறார்!

'நாங்கள்
பல்லவர் வம்சம், நாடாளும் அம்சம்’ என இவர் புதுவித எஸ்.டி.டி. பேசுவது
ஐ.எஸ்.டி. தாண்டி காமெடிக் கிச்சுக்கிச்சு மேளா. அய்யா எட்டடி பாய்வதால்,
இவரது கட்சியினர் 'போதி தர்மனின் வாரிசுகள் நாங்கள்’ என டி.என்.ஏ.
ரிப்போர்ட் இல்லாமலே போஸ்டர் ஒட்டி காமெடி ராவடி பண்ணுகிறார்கள்!

சினிமாவில் மகனை வாரிசாக்க முனைந்தாலும் மச்சினன் சுதீஷை நாடாளுமன்றத்துக்கு அனுப்பிவிடும் முனைப்பில் இருக்கிறார் பாசக்கார கேப்டன்!

- ஆர்.சரண்
டைம் பாஸ்