பள்ளிக்கூடம் திறந்தாச்சு... பார்த்து போங்க குழந்தைகளே...

by **jafuras** Mon 15 Jul 2013 - 15:16

பள்ளிக்கூடம் திறந்தாச்சு... பார்த்து போங்க குழந்தைகளே...

விடுமுறை அலுப்பு சலிப்பும் தீர்ந்தாச்சு. புதிய புதிய நண்பர்கள், விதவிதமான அனுபவங்களை மாணவ மணிகள் பெறப்போகிறீர்கள். ஆசிரியர் அறிவுரை ஒருபக்கம், பெற்றோர் அறிவுரை மறுபக்கம் என ஆலோசனை மழை பொழிய வாய்ப்பிருக்கிறது. எனினும் இன்றிலிருந்தே கவனமாக பின்பற்ற வேண்டிய வழிமுறைகள் சிலவற்றை நாம் பகிர்வது நல்லது....

நர்சரி மாணவ, மாணவியர் சிறு குழந்தைகள். பலர் இப்போது தான் பள்ளி வாசத்தையே நுகரப்போகிறார்கள் என்பதால் எடுத்த எடுப்பிலேயே குழந்தைச் செல்வங்களை எந்த விசயத்திற்கும் கட்டாயப்படுத்த கூடாது. அதேபோல் ஆட்டோ, வேன் போன்ற வாடகை வாகனங்களில் குழந்தைகளை பள்ளிக்கு அனுப்பும் பெற்றோர் கட்டாயம் அடையாளம் அறிந்த ஓட்டுநர்களின் வாகனங்களில் மட்டுமே அனுப்ப வேண்டும்.

பள்ளிகளிலும் அவ்வப்போது பள்ளிமுடிந்து கிளம்புவது குறித்து கேட்டு அறிந்து கொள்ளவேண்டும். குழந்தைகளுக்கு பக்கவிளைவுகள் இல்லாத சிற்றுண்டிகளை மட்டுமே செய்து கொடுத்தனுப்ப வேண்டும். குழந்தைகள் விரும்புகிறதே என்பதற்காக மேகி, பாஸ்ட்புட் அயிட்டங்கள், எண்ணெய் பலகாரங்களை செய்து அனுப்புவதை தவிர்க்க வேண்டும்.

கொஞ்சம் வளர்ந்து உயர்நிலை, மேல்நிலை மாணவமாணவியர் என்றால் அவர்களை சைக்கிள், பைக் போன்ற வாகனங்களில் தனியாக அனுப்புவது குறித்து கவனமாக முடிவெடுக்கவும். கூடுமானவரை பெற்றோரே அழைத்துச்செல்வது நல்லது. தினசரி பள்ளி முடிந்து வந்தவுடன் அன்றாட பாடங்கள் குறித்து பெற்றோரும் கவனம் செலுத்தி கண்காணிப்பது நல்லது.

பள்ளிகள் இப்போது தான் திறந்திருக்கிறது. பலருக்கு புதிய பள்ளிகளாகவும் இருக்கலாம். ஆனால் அனைவருக்கும் புதிய ஆசிரியர்கள் வகுப்பறை சூழல் இருக்கும். அதற்கேற்ப உங்களது மனநிலையை தயார் செய்ய வேண்டும். அன்றைய பாடங்களை அன்றைக்கே படித்து முடிப்பதே சரியானது. வெற்றியாளர்கள் பலரும் இதையே பின்பற்றியுள்ளனர். வளாகச்சூழல், நண்பர்கள் சேர்க்கை போன்ற விசயங்களிலும் கவனமுடன் நடந்து கொள்ள வேண்டும்.

படித்ததை பலமுறை எழுதிப்பார்ப்பது கூடுதல் பலனளிக்கும். பொதுத்தேர்வுகளை சந்திக்க உள்ள மாணவ கண்மணிகள் இப்போதிருந்தே தயாராவது சிறப்பானது. உணவு முறைகளிலும் கவனம் செலுத்த வேண்டும். பழங்கள், காய்கள், செரிக்கத்தகுந்த மாவுப்பொருட்கள், கொழுப்பு, எண்ணெய் சேர்க்காத பலகாரங்கள் எடுத்துக்கொள்வது நலம்.

அளவான விளையாட்டு, நண்பர்களுடன் ஜாலி அரட்டை, டிவி பார்ப்பது போன்ற நமது பழக்கவழக்கங்களையும் இன்றிலிருந்து சுய கட்டுப்பாட்டுடன் கடைப்பிடிக்க வேண்டும். இலக்கில் எப்போதும் நமக்கிருக்கும் கூடுதல் கவனம்தான் சாதனையின் அச்சாணி என்பதை எப்போதும் நினைவில் கொள்வீர். இந்த கல்வியாண்டு இனிய தருணங் களை அனை வருக் கும் அளிக் கட்டும்.

பள்ளிக்கூடம் திறந்தாச்சு... பார்த்து போங்க குழந்தைகளே... 1010572_546530692059179_1338950701_n

பள்ளிக்கூடம் திறந்தாச்சு... பார்த்து போங்க குழந்தைகளே... 1010572_546530692059179_1338950701_n