மழை - சிறுவர் பாடல்

by **rammalar** Sun 21 Jul 2013 - 18:22

வானில் மேகம் கலையுது
வாடைக்காற்று வீசுது
கானக் குயில்கள் கூவுது
கால மழையும் வருகுது
-
இடியும் முழங்கிக் குமுறுது
இருண்ட வானம் மின்னுது
நெடிய மரங்கள் ஆடுது
நெடுகத் தவளை கத்துது
-
மேகம் பார்த்த மயிலுமே
மகிழ்வில் ஆடித் திரியுது
காகம் குருவிப் பறவைகள்
கவிந்த கிளையில் பதுங்குது
-
உழவர் உள்ளம் குளிரவே
உவகை பொங்கிப் பெருகுது
கழனி காடு விளையவே
கருணை இறையை வேண்டினர்
-
வெம்மை ஆறித் தணியவே
விழுது விழுதாய் மழையுமே
செம்மையாகப் பெய்தது
செழிப்பு விஞ்சித் திகழுதே!
-
=========================
>கவிஞர் தே.ப.பெருமாள்
நன்றி: சிறுவர் அமுது (பாடல்கள்)

by **பானுஷபானா** Mon 22 Jul 2013 - 12:36

*_ *_ *_

by **rammalar** Wed 14 Aug 2013 - 16:47

தென்னை மரம் - சிறுவர் பாடல் Images?q=tbn:ANd9GcRJvdIqDn-Oy76qvkeRjvV1s6j-68JtVr3UrQ9NzJETbF3TAQkQEA

-
காம்பு நீண்ட கத்தரிக்காய்
கடையில் விற்கும் கத்தரிக்காய்!
பாம்பு போலும் புடலங்காய்
பச்சை வண்ண பீர்க்கங்காய்!
-
குண்டு குண்டு பூசணிக்காய்
கூடை போலும் பரங்கிக்காய்!
உண்டுகளிக்க வெள்ளரிக்காய்
உயரத் தொங்கும் பாகற்காய்!
-
கடித்துத் தின்ன வெண்டைக்காய்
கசப்பைக் கொடுக்கும் சுண்டைக்காய்
முடிச்சுப் போல் முருங்கைக்காய்
முற்றிப் போன வாழைக்காய்!

——————–
>கவிஞர் வ.நஞ்சுண்டன்

by **Muthumohamed** Thu 15 Aug 2013 - 21:46

:/ :/ :/ *_ *_ *_ *_ *_

by **rammalar** Tue 17 Sep 2013 - 10:27

தென்னை மரம் - சிறுவர் பாடல் 2442864533_6f6e108513

--
ஓங்கி நிற்கும் மரம் – அடர்ந்த
ஓலைகள் நிறைந்த மரம்!
தேங்காய் நல்கும் மரம் – காற்றில்
தலைவிரித்தாடும் மரம்
-
வேர்கள் படர்ந்த மரம் – தரத்தில்
வித விதமான மரம்!
ஊர்தோறும் வளர் மரம் – நல்
உரத்தை உறிஞ்சும் மரம்!
-
மருந்தாய்ப் பலன் தரும் மரம் – குருத்து
மண்டிக் கிடக்கும் மரம்!
பெருத்த நிழல்தரும் மரம் – யாவரும்
பெரிதே போற்றும் மரம்.
-=======================
-கவிஞர் கோ.ஜெயச்சந்திரன்
நன்றி: பாட்டுப் பாடு பாப்பா

by **நண்பன்** Tue 17 Sep 2013 - 16:51

:/ :/ :/

by **jafuras** Wed 18 Sep 2013 - 1:10

:/ :/

by **ராகவா** Wed 18 Sep 2013 - 2:59

:”@: பகிர்வுக்கு...

by **rammalar** Thu 20 Mar 2014 - 23:56

-
ஆத்திச் சூடி படித்து - நீ
ஆத்திரத்தை அடக்கணும்
-
மூதுரையைப் படித்து - நீ
தீய உரையை விலக்கணும்
-
'நல்வழி'யை படித்து - நீ
நல் வழியில் நடக்கணும்
-
கொன்றை வேந்தன் படித்து - நீ
கொல்லாமை கற்கணும்
-
திருக்குறளை படித்து - நீ
அறவழியில் மிளிரணும்
-
அவ்வை மொழிகள் யாவையும்
அவுடதமாய் அருந்தணும்
-
நிறைவுடன் வாழவே -நீ
நீதி நூல்கள் படிக்கணும்
-
கற்ற வழிநடக்கணும்
கடமை செய்தே பிழைக்கணும்
-
---------------------------
>வேலவன், வாழப்பாடி
நன்றி: தங்க மலர்

by **பானுஷபானா** Fri 21 Mar 2014 - 12:11

:/ :/

by Sponsored content

தென்னை மரம் - சிறுவர் பாடல்

மழை - சிறுவர் பாடல்

Re: தென்னை மரம் - சிறுவர் பாடல்

காய்கறிகள் – சிறுவர் பாடல்

Re: தென்னை மரம் - சிறுவர் பாடல்

தென்னை மரம் - சிறுவர் பாடல்

Re: தென்னை மரம் - சிறுவர் பாடல்

Re: தென்னை மரம் - சிறுவர் பாடல்

Re: தென்னை மரம் - சிறுவர் பாடல்

எல்லாமும் படிக்கணும் - சிறுவர் பாடல்

Re: தென்னை மரம் - சிறுவர் பாடல்

Re: தென்னை மரம் - சிறுவர் பாடல்