அணியில் இடம் பெறப்போவது யார்? ரெய்னா, கோக்லி மற்றும் பதானுக்கு இடையே கடும் போட்டி

உலக
கிண்ண கிரிக்கெட் போட்டிக்கான 11 பேர் கொண்ட இந்திய அணியில் யார் இடம்
பெறப் போகிறார்கள் என்பதே தற்போது அதிக எதிர்பார்ப்பாக உள்ளது.தொடக்க
வீரர்களாக சச்சினும், ஷேவாக்கும் களம் இறங்குவார்கள். 3 வது வீரராக
காம்பீரும், 4 வது வீரராக யுவராஜ்சிங்கும், 5 வது வீரராக கேப்டன் தோனியும்
களம் இறங்குவார்கள். 6 வது மற்றும் 7 வது வீரருக்கு இடையே கடும் போட்டி
உள்ளது. வீராட் கோக்லி, சுரேஷ் ரய்னா, யூசுப்பதான் ஆகியோர் இந்த வரிசையில்
இடம்பெறுவார்கள்.
நியூசிலாந்து, தென் ஆப்பிரிக்காவுக்கு எதிரான ஒருநாள் தொடரில்
யூசுப்பதான் 7 வது வீரராக களம் இறங்கி அபாரமாக விளையாடினார். இதனால்
யூசுப்பதான் இடம் பெறுவது உறுதியாகி விட்டது. அவர் 7 வது வீரராக களம்
இறக்கப்படுவார். 6 வது வீரருக்கான இடத்தில் கோக்லி, ரெய்னாவுக்கும் இடையே
கடும் போட்டி நிலவுகிறது. இதை சுரேஷ் ரெய்னாவே ஒப்புக் கொண்டுள்ளார்.
இது தொடர்பாக அவர் கூறியதாவது: 11 பேர் கொண்ட அணியில் யார் இடம் பெறுவது
என்பது தொடர்பாக எனக்கும், வீராட் கோக்லி மற்றும் யூசுப்பதானுக்கும் இடையே
ஆரோக்கியமான போட்டி உள்ளது. என்னை பொறுத்த வரை இந்திய அணியின் வெற்றி தான்
மிகவும் முக்கியம். அணியில் என்னுடைய பங்களிப்பு இருக்க வேண்டும் என்று
கருதுகிறேன்.
6 மற்றும் 7 வது வீரராக ஆடி நான் 25 - 30 ரன் வரை எடுத்து இருக்கிறேன்.
ஆனால் இதை விட பெரிய ஸ்கோரை எடுக்க முடியும் என்று எனக்கு தெரியும். இந்தப்
போட்டியில் மிகப்பெரிய ரன்னை குவிக்க ஆவலுடன் காத்து இருக்கிறேன்.
உலக கிண்ணப் போட்டிக்கான அணியில் இடம்பெறுவது மிகப்பெரிய வாய்ப்பு. எந்த
ஒரு வீரருக்கும் இடம்பெற்று ஆட வேண்டும் என்பது கனவாக இருக்கும். இவ்வாறு
அவர் கூறினார்.