ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

by *சம்ஸ் Wed 4 Dec 2013 - 18:18

பென்சில்வேனியா, டிச. 4-

புதுடெல்லி இந்தியத் தொழில்நுட்பக் கழகத்தில் பயின்று தற்போது அமெரிக்காவின் பென்சில்வேனியா பல்கலைக்கழகத்தைச் சார்ந்த பெரில்மேன் மருத்துவக்கழகத்தில் ரேடியாலஜி துறையில் இணைப் பேராசிரியையாகப் பணிபுரிபவர் ராகினி வர்மா. ஆண், பெண் இருவரது மூளைகளுக்கும் உள்ள ஒற்றுமை, வேற்றுமை குறித்த ஆய்வுகளில் இவர் ஈடுபட்டிருந்தார்.

அந்த முயற்சியின்போது, ஆணின் மூளை நரம்புகள், கருத்து மற்றும் ஒருங்கிணைந்த நடவடிக்கையை வெளிப்படுத்தும்வண்ணம் முன்னிருந்து பின் வரையில் இணைக்கப்பட்டிருந்தது கண்டறியப்பட்டது. அதேபோல் பெண்ணின் மூளை நரம்புகள் பகுப்பாய்வு மற்றும் உள்ளுணர்வை வெளிப்படுத்தும்வண்ணம் இடது மற்றும் வலது புறமாக இணைக்கப்பட்டிருந்தது தெரியவந்தது.

இந்த வரைபடங்கள் ஆண்கள் சில விஷயங்களிலும், பெண்கள் சில விஷயங்களிலும் திறம்பட செயல்படுவதை விளக்குவதாக அமைந்திருந்தது என்று ராகினி கூறுகின்றார்.

எட்டிலிருந்து 22 வயதுக்குட்பட்ட 949 நபர்கள் (521 பெண்கள், 428 ஆண்கள்) இந்தப் பரிசோதனைக்கு உட்படுத்தப்பட்டார்கள். இதன்மூலம், சராசரி ஆண்கள் கற்பதிலும் மற்றும் ஒரு வேலையில் ஈடுபட்டு அதனை செய்து முடிப்பதிலும் திறமையுள்ளவர்களாக இருக்கின்றனர் என்பது தெரியவந்தது. இதற்கு மாறாக பெண்கள் உயர்ந்த நினைவாற்றல் கொண்டவர்களாக பல பணிகளை ஒன்றாக முடிக்கும் திறமை உடையவர்களாகவும், ஒரு குழுவினருக்குரிய தீர்வுகளை அளிக்கும் திறன் கொண்டவர்களாகவும் இருப்பது தெரிந்தது.

இது மிகவும் வியப்பினை அளிக்கும் விஷயம் என்று கூறிய ஆய்வுக்குழுவினரில் ஒருவரான ரூபன் கர், ஆண்-பெண் இனத்தொடர்பான நரம்பு சம்பந்தப்பட்ட உளவியல் பிரச்சினைகளுக்கு இந்த கண்டுபிடிப்பு மிகவும் உதவிகரமாக இருக்கும் என்றும் தெரிவித்தார்.

13 வயதுக்குட்பட்டவர்களிடம் இந்த சோதனை மேற்கொள்ளப்பட்டபோது பாலினங்களிடையே சிறிய அளவிலும், 14 முதல் 17 வயதுக்குட்பட்டவர்களிடம் குறிப்பிடத்தக்க அளவிலும், 17 வயதுக்கு மேற்பட்டோரிடம் அதிகமான அளவிலும் இந்த வேறுபாடுகள் தெரிந்ததாக ஆய்வாளர்கள் கூறுகின்றனர்.

by **Muthumohamed** Wed 4 Dec 2013 - 21:03

அப்டியா தகவலுக்கு நன்றி அண்ணா

by **பானுஷபானா** Fri 6 Dec 2013 - 11:25

*_ *_ *_

by **ராகவா** Fri 6 Dec 2013 - 17:08

உண்மை......உண்மை...உண்மை...

by Sponsored content

ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

Re: ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

Re: ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

Re: ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்

Re: ஒரே நேரத்தில் பல வேலைகளைச் செய்யும் பன்முகத்திறமை படைத்தவர்கள் பெண்கள்: ஆய்வில் நிரூபணம்