ஹைபுன்கள் - கவியருவி ம. ரமேஷ்

by **கவியருவி ம. ரமேஷ்** Tue 25 Mar 2014 - 5:03

நன்றிக்காக எச்சம்!

(உண்மை சம்பவம் – ஹைபுன் கவிதையாகியுள்ளது)

நேற்று காலைப்பொழுதில் சாலையில் இரண்டு சக்கர வாகனத்தில் பயணம் செய்து கொண்டிருந்தேன். காக்கையின் குஞ்சு ஒன்று சாலையில் பறக்க சக்தியின்றி வாகனங்களுக்கு மத்தியில் தத்தித் தத்தித் தப்பித்துப் பிழைப்பதைப் பார்த்து, காக்கைகள் கரைந்து கொண்டிருந்தது. வாகனத்தை நிறுத்தி அதைப் பிடித்து சாலை பக்கத்தில் இருந்த மரத்தின் கிளையில் விட்டேன்… மாலையில் அவ்வழியே திரும்ப பயணிக்கையில் அந்த மரத்தின் கீழ் நின்று பார்த்தேன். ஒரு காக்கை என் தலைமேல் எச்சமிட்டது. உற்றுப்பார்க்கையில் எச்சமிட்ட காக்கையின் பக்கத்தில் காப்பாற்றிய குஞ்சு பத்திரமாக இருந்தது.

காப்பாற்றிய நன்றிக்காக
தலைமேல் எச்சமிட்டது
காக்கை

(இன்னும் சுருக்கமாக இப்படி எழுதலாம்)

நன்றிக்காய்
எச்சமிட்டது

காக்கை

by **rammalar** Tue 25 Mar 2014 - 5:19

:cheers: :cheers:
-
ஒரு கவிதையில் குழந்தை சொல்கிறது...
-
''நான் அழுதால்
உடனே கவலைப்படுகிறாய்
-
எறும்பு கடித்திருக்குமோ
பசித்திருக்குமோ என்று
பலவாறாய்....
-
நான் உனக்கு என் மொழியில்
நன்றியை சொன்னேன் ...என்று
-

by **கவியருவி ம. ரமேஷ்** Tue 25 Mar 2014 - 7:53

மகிழ்ச்சி ஐயா

by **Nisha** Tue 25 Mar 2014 - 10:41

காப்பாற்றிய நன்றிக்காக
தலைமேல் எச்சமிட்டது
காக்கை

அதுவும் சரிதான்! இதுவும் சரிதான்! அததுக்கு தெரிந்ததை அது செய்கிறது!

நன்றி தொடர்ந்து பகிருங்கள்!

by **பானுஷபானா** Tue 25 Mar 2014 - 11:07

எச்சம் போட்ட காக்கைமேல் கோவம் வரலயா?

by **கவியருவி ம. ரமேஷ்** Tue 25 Mar 2014 - 16:28

பானுஷபானா wrote:எச்சம் போட்ட காக்கைமேல் கோவம் வரலயா?

வர வில்லை... வந்திருந்தால் நிச்சயம் கவிதையாகச் சிந்தனையில் உதித்திருக்காது.

by **Nisha** Wed 26 Mar 2014 - 2:00

எச்சம் போடல்லைன்னால் நீங்கள் அந்த காகத்தை பார்த்திருக்க மாட்டீர்கள், கவிதையா எழுதி இருக்க மாட்டீர்கள் தானே!

காலையில் நம்ம குழந்தையை காப்பாற்றிய சார் வருகிறார். என்னிக்கும் நாம அவர் நினைவில் இருப்பது போல் கிப்ட் கொடுப்போம்னு காகம் நினைத்து இருக்கும்! ஐடியா!

by **rammalar** Wed 26 Mar 2014 - 3:44

-
நாட்டுக்குழைத்த நல்லவர் சிலைகளை
அவரது பிறந்த நாளின் போதுதான் நாம்
அழுகு படுத்தி மாலை அணிவிப்போம்...!
-
ஆனால் இந்த காகங்கள் அச்சிலைகள் மீது
அவ்வப்போது எச்சமிட்டு...
-

by **கவியருவி ம. ரமேஷ்** Tue 8 Apr 2014 - 8:53

தண்ணீரும் மின்சாரமும் இருந்தால் கொடுக்கமாட்டோமா? குடித்ததுபோக கையில் கோட்டர் வைத்திருந்தவன் தெளிவாகக் கேட்டான்: இந்த கோட்டர் பாட்டில் எங்கிருந்து வந்துச்சி… இங்க இருந்து இல்லதானே? அதே மாதிரி தண்ணியையும் கரண்டையும் கெடக்கிற எடத்துலயிருந்து எடுத்துட்டு வர வேண்டியதுதானே! ஒரே அமுக்காக அமுக்கியது அவனைக் காவல்துறை.

எல்லோர் பொருட்டும்
ஓடும் நதி
மாநிலங்களுக்குள் சிறைப்பட்டது

by **Nisha** Tue 8 Apr 2014 - 9:17

மூன்றே வரிகளுக்குள் பெரிய விடயமொன்று பகிரப்பட்டிருக்கிறது. அருமை!

by **கவியருவி ம. ரமேஷ்** Fri 11 Apr 2014 - 15:46

மெரினா கடற்கரையும் காதலும்...

மகாலட்சுமி மாதிரியிருக்கா… ஒரு மொழம் பூ வாங்கிக்கொடுக்கக்கூடாதா? நா பெத்த மகமாதிரியிருக்கா!... மொழம் எவ்ளோ? 10. சரி குடு. நானே வெச்சிவுடறேன்… 15 குடுப்பா? 10ன்னு சொன்னீங்க… நானே வெச்சி வுட்டேன்ல அதான்.

தூக்கி எரிந்துச்
சென்றாள் பூவை

பெற்றவர்கள் நுகர்ந்தனர் மணம்!

by Sponsored content

ஹைபுன்கள் - கவியருவி ம. ரமேஷ்

ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்

Re: ஹைபுன்கள் - கவியருவி ம. ரமேஷ்