இனிய தமிழ் தெரிந்து கொள்வோம்

by **பர்ஹாத் பாறூக்** Wed 26 Mar 2014 - 15:55

காற்று

தெற்கிலிருந்து வீசினால் --தென்றல்
வடக்கிலிருந்து வீசினால் --வாடை
கிழக்கிலிருந்து வீசினால் ---கொண்டல்
மேற்கிலிருந்து வந்தால் ---மேலை

பெண்கள்

தமிழில் பெண்களுக்கு அவர்களின் ஒவ்வொரு பருவத்துக்கேற்ற பெயர்கள் உள்ளன. நாற்பது வயதுக்கு உட்பட்ட பெண்களின் பருவங்களை ஏழாகப் பிரித்திருக்கிறார்கள்.

ஐந்து வயது முதல் ஏழு வயது முடிய பேதைப் பருவம்
எட்டு முதல் பதினொன்று முடிய பெதும்பைப் பருவம்..
பன்னிரெண்டும்,பதிமூன்றும் மங்கைப் பருவம்.
பதினான்கு முதல் பத்தொன்பது முடிய மடந்தை.
இருபது முதல் இருபத்தைந்து முடிய அரிவை.
இருபத்தாறு முதல் முப்பத்தொன்பது முடிய தெரிவைப் பருவம்.
நாற்பது முதல் பேரிளம்பெண்.

பூ
மலர்வதால் --மலர்.
விரிவதால் ---வீ
பூப்பதால் --பூ
வாடுவதால் --அலர்

இலைகள்

தமிழில் வெவ்வேறு தாவரங்களின் இலைகளுக்கு வெவ்வேறு பெயர்கள் உண்டு.

வாழை மரம்,அரச மரம்,ஆல மரம் --இலை
பூமியில் வளரும் கொடிகளின் இலை ---பூண்டு
கோரை,அறுகு இவற்றின் இலை ---புல்
நெல்,கேழ்வரகு இவற்றின் இலை --தாள்
மலையைச் சார்ந்த மரங்களின் இலைகள் --தழை
சப்பாத்தி,தாழை இவற்றின் இலைகள் --மடல்
நாணல்,கரும்பு இவற்றின் இலைகள் --தோகை
தென்னை,பனை இவற்றின் இலைகள் --ஓலை
அகத்தி,பசலை இவற்றின் இலைகள் --கீரை

நன்றி: முகநூல்

by **Nisha** Wed 26 Mar 2014 - 16:01

வாவ்!

இன்னொரு புதிய திரி! தொடருங்கள்.

by **rammalar** Wed 26 Mar 2014 - 16:09

இந்தியர்களின் சராசரி வயது 30
என இருந்த போது,
பெண்களுக்குரிய பருவ பெயர்கள்
இவ்வாறாக இருந்திருக்க கூடும்..!!
-
இப்போ பெண்கள் 30 வயதில்தான்
திருமணம் பற்றி யோசிக்கிறாங்க..!!
-

by **ராகவா** Wed 26 Mar 2014 - 18:28

அருமையான பகுதி...

by **Nisha** Sun 6 Apr 2014 - 18:22

மலர்களின் பருவநிலைத் தமிழ்ப்பெயர்கள்

அரும்பு - அரும்பும் (தோன்றும்) நிலை
நனை - அரும்பு வெளியில் நனையும் நிலை
முகை - நனை முத்தாகும் நிலை
மொக்குள் - "முகை மொக்குள் உள்ளது நாற்றம்" - திருக்குறள் (நாற்றத்தின் உள்ளடக்க நிலை)
முகிழ் - மணத்துடன் முகிழ்த்தல்
மொட்டு - கண்ணுக்குத் தெரியும் மொட்டு
போது - மொட்டு மலரும்பொழுது காணப்படும் புடைநிலை
மலர் - மலரும் பூ
பூ - பூத்த மலர்
வீ - உதிரும் பூ
பொதும்பர் - பூக்கள் பலவாகக் குலுங்கும் நிலை
பொம்மல் - உதிர்ந்து கிடக்கும் புதுப்பூக்கள்
செம்மல் - உதிர்ந்த பூ பழம்பூவாய்ச் செந்நிறம் பெற்று அழுகும் நிலை

by **rammalar** Sun 6 Apr 2014 - 18:25

செந்நிறத்தில் காடுமேடுகளில் பூத்துக் கிடக்கும்

மலரே செம்மல் எனல் பொருத்தமானது.

குறிஞ்சிநிலக் கோதையர் இந்தச் செம்மல் மலரையே

குவித்து விளையாடினர்.

அவர்கள் குவித்து விளையாடிய 99 வகையான

மலர்களில் செம்மல் என்பது ஒன்று.
-

by Sponsored content

இனிய தமிழ் தெரிந்து கொள்வோம்

இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்

Re: இனிய தமிழ் தெரிந்து கொள்வோம்