மணம் கொண்ட காதல்'.

by **rammalar** Mon 7 Apr 2014 - 2:47

-
திருமணத்துக்கு பிந்தைய காதலை மையமாக கொண்டு
உருவாகி வரும் படம் "மணம் கொண்ட காதல்'.

புதுமுகங்கள் முத்துராம், நோபியா, ஸ்ரியா நடிக்கின்றனர்.
நிழல்கள் ரவி, பாண்டு, மீரா கிருஷ்ணன் உள்ளிட்டோர்
முக்கிய பாத்திரங்கள் ஏற்று நடிக்கின்றனர்.

கதை, திரைக்கதை எழுதி இப்படத்தின் மூலம் இயக்குநராக
அறிமுகமாகிறார் புகழேந்தி.

படம் குறித்து இயக்குநர் பேசுகையில், ""ராஜா ராணி கதை
கேட்டு வளர்ந்தவர்கள் நாம்.
ராஜா ராணி காதல் தருணங்களை விட, திருமணத்துக்குப்
பிந்தைய அவர்களின் வாழ்க்கைத்தான் நமக்கு பரிச்சயம்.
கதைப்படி நாயகனுக்கும், நாயகிக்கும் கல்யாணம்.
ஆனால் அவர்களின் மனதுக்குள் ஏதோ சஞ்சலம் இருக்கிறது.
அதன் பின் அவர்களின் கல்யாண வாழ்க்கையில் எந்த
மாதிரியான திருப்பங்கள் நேர்ந்தன என்பதுதான் கதை.

காதலித்தவர்கள், காதலிக்காதவர்கள், காதலிக்கிற
ஐடியாவில் இருக்கிறவர்கள் என எல்லோரையும் இந்த
கதை ஏதோ ஒரு 15 நிமிடங்கள் "டச்' செய்யும்.

எத்தனை புதுப் படங்கள் வந்தாலும் ரசிகர்களின்
ஏகோபித்த வரவேற்பை இப்போதும் பெற்று நிற்கிற
"காதலிக்க நேரமில்லை' மாதிரியான படங்கள்தான்
இந்த கதைக்கு உத்வேகம்'' என்கிறார் புகழேந்தி.
-
-----------------------------------------------
--தினமணி