உலக்கோப்பை கிரிக்கெட்: டிவீட்டர் பயன்படுத்த வீரர்களுக்கு ஐ.சி.சி. தடை

மெல்போர்ன்: உலகக்கோப்பை கிரிக்கெட் ‌போட்டிகள் விரைவில் துவங்கவிருப்பதை யொட்டி , ஸ்பாட்பி்க்ஸிங், ஊழல் உள்ளிட்ட சூதாட்டங்களை தவிர்க்க , கிரிக்கெட் வீரர்கள், அணி நிர்வாகிகள் டிவீட்டர் வலைதளத்தை பயன்படுத்த ஐ.சி.சி. தடை விதிக்கப்பட்டுள்ளது. உலகக்‌கோப்பை கிரிக்கெட் போட்டிகள் வரும் 19-ம தேதி துவங்குகின்றன. இன்று கிரிக்கெட் போட்டிகளில் நேரடியாக வீரர்கள் சூதாட்டத்தில் ஈடுபடுவதும், ஸ்பாட் பிக்ஸிங் கில் ஈடுபடுவதும் கிரிக்கெட் விளையாட்டிற்கே களங்கத்தை ஏற்படுத்தி வருகின்றன. இதற்கு உதாரணமாக பாகிஸ்தான் வீரர்கள் மூவர் சிக்கியது காரணமாகும். இதனால் வரவிருக்கும் உலகக்கோப்பை கிரிக்கெட் போட்டிகள் ஊழல், சூதாட்டம் இல்லாத வகையில் நடத்தும் நோக்கில் ஐ.சி.சி. அதிரடி நடவடிக்கைகளை எடுத்து வருகிறது. அதன்படி போட்டியின் போது பங்கேற்கும் அனைத்து அணி கிரிக்கெட் வீரர்கள் அணியின் மேலாளர் உள்ளிட்ட நிர்வாகிகள் டிவீட்டர் எனும் சமூக வலைதளங்களை உப‌‌‌யோகிக்க சர்வதேச கிரிக்கெட் கவுன்சிலான ஐ.சி.சி. தடை விதித்துள்ளது. ஆஸ்திரேலியாவிலிருந்து வெளிவரும் சிட்னி மார்னிங் பத்திரிகையில் இது குறித்து கூறப்பட்டிருப்பதாவது: சமீபத்தில் ஆஸ்திரே லிய -இங்கிலாந்துஇடையே ஆஷ் டெஸ்ட் , மற்றும் ஒரு நாள் தொடர்கள் நடந்தன. இதில் ஆஸ்திரேலிய அணியின் மேலாளரின் ஸ்டீவ் பெர்னார் தனது டீவீட்டர் கணக்கில் வீரர்கள் போட்டியின் போது சமூக வலைதளங்களை பயன்படுத்த தடைவிதித்தால் சூதாட்டம் ஏற்பட வாய்ப்பில்லை என்று கூறப்பட்டிருந்தது. இதற்கு ஆயிரத்திற்கு மேறபட்ட வாசகர்களை கவர்ந்தது. இதன் எதிரொலியாக ஐ.சி.சி.யின் ஊழல் தடுப்பு மற்றும் கண்காணிப்புக்குழுக் கூட்டத்தில் எடுக்கப்பட்ட முடிவின்படி , வரும் உலகக்கோப்பை போட்டிகள் முடியும் வரை கிரிக்கெட் வீரர்கள், அணியின் நிர்வாகிகள் டிவீட்டரை பயன்படுத்தக்கூடாது என உத்தரவிடப் பட்டுள்ளதாகவும், சூதாட்டமில்லாத உலக்கோப்பை கிரிக்கெட் போட்டியை நடத்த ஐ.சி.சி. உறுதி‌எடுத்துள்ளதாக கூறப்பட்டுள்ளது.

:”@: