சுவருக்கு பெயின்ட் பண்ணிய இளைஞன் மின்சாரம் தாக்கி உயிரிழப்பு

சுவருக்கு பெயின்ட் பண்ணிய இளைஞன் மின்சாரம் தாக்கி உயிரிழப்பு

மின்சாரம் தாக்கி ஒரு இளைஞர் உயிரிழந்த சம்பவமொன்று வெலிகம கோட்டகொடையில் இடம் பெற்றுள்ளது. இச்சம்பவம் நேற்று முன்தினம் (16/8) சனிக்கிழமை மாலை 5.30 மணியளவில் இடம்பெற்றுள்ளதாக வெலிகம பொலிஸார் தெரிவித்தனர்.

வெலிகம கோட்டகொடை யைச் சேர்ந்த எம். ஐ. எம். இன்பாஸ் (21 வயது) எனும் வாலிபர் சாயம் பூசும் தொழிலில் ஈடுபடும் ஒருவரே இவ்வாறு பரிதாபகரமாக உயிரிழந்தவராவார். இவர் திருமணம் செய்து மூன்று மாதங்களாகின்றன.

இவர் நேற்று ஒரு கட்டடத்துக்கு நிறம் (சாயம்) பூசிக்கொண்டிருந்த சமயம், கட்டடத்துக்குறுக்கே இருந்த பிரதான மின் கம்பத்தில் அவரது கையில் இருந்த தடியுடனான தூரிகை தற்செயலாக தொட்டதினால் மின்சாரம் இவரைத் தாக்கியுள்ளது.

உடனே சிகிச்சைக்காக பிரதேசவாசிகள் வெலிகம வலான போதனா வைத்திய சாலைக்கு எடுத்துச் சென்றும் சிகிச்சை பயனளிக்காமல் உயிரிழந்தார்.

மருத்துவப் பரிசோதனை டாக்டர் பியசிரியினால் மேற்கொண்டபின்னர் ஜனாஸா (சடலம்) உறவினர்களிடம் ஒப்படைக்கப்பட்டது.

தினகரன்

உலகில் எத்தனையோ சாவு அதில் இதுவும் ஒன்று கவலையான செய்தி திருமணமாகி மூன்று மாதங்கள் இவருடய மனைவி குடும்பத்திற்கு இறைவன் மன அமைதி கொடுக்க வேண்டும்..

நம்மூரில் இந்த பின் பாதுகாப்பு வசதி இன்னும் வரவில்லையல்லவா? இன்னும் வான் மூலம் தான் கேபிள்கள் செல்கின்றனவல்லவா? அப்படி இருந்தாலும் மின் கடத்தும் கம்பிகள் தாக்காதவாறு பாதுகாப்புடன் செயல் படுத்த முடியாதா?

அன்னாருக்கு கண்ணீர் அஞ்சலிகள். அவரை இழந்து தவிக்கும் குடும்பத்தினருக்கு இறைவன் துணி புரியணும்!

பாதுக்காப்பாக வேலைகள் செய்தால் இப்படிப்பட்ட விபத்துக்கள்,இறப்புக்களை நாம் தடுக்கலாம்..நிறைய இறப்புக்கள் கவனக்குறைவால் நடக்கிறது..
வருத்துமான,துக்கமான செய்தி..

அவர்கள் குடும்பம் நல்ல முறையில் வாழ இறைவன் துணை நிற்க்கட்டும்...

எனது நெருங்கிய உறவுக்காரப் பையனுக்கு மூன்று மாதங்களுக்கு முன் இவ்வாறு நடந்தது நண்பன் ஒருவரின் வீட்டிற்கு இவர்கள் பெயின்ட் பண்ண கெல்ப் பண்ண போயிருக்கிறார்கள் இப்படித்தான் மேல் மாடியில் பெயின் செய்து விட்டு சிறிய விளையாட்டில் பகடியில் ஈடு பட்ட போது பக்கத்திலிருந்த மின் கம்பத்தில் தடி பட்டு கரன்ட் தாக்கி மிகவும் மோசமான நிலையில் இருந்து இப்போது சம்புரணமாக குணமாகி விட்டார்

ராகவா wrote:பாதுக்காப்பாக வேலைகள் செய்தால் இப்படிப்பட்ட விபத்துக்கள்,இறப்புக்களை நாம் தடுக்கலாம்..நிறைய இறப்புக்கள் கவனக்குறைவால் நடக்கிறது..
வருத்துமான,துக்கமான செய்தி..

அவர்கள் குடும்பம் நல்ல முறையில் வாழ இறைவன் துணை நிற்க்கட்டும்...

உண்மைதான் ராகவன் கருத்திற்கு நன்றி

நண்பன் wrote:எனது நெருங்கிய உறவுக்காரப் பையனுக்கு மூன்று மாதங்களுக்கு முன் இவ்வாறு நடந்தது நண்பன் ஒருவரின் வீட்டிற்கு இவர்கள் பெயின்ட் பண்ண கெல்ப் பண்ண போயிருக்கிறார்கள் இப்படித்தான் மேல் மாடியில்  பெயின் செய்து விட்டு சிறிய விளையாட்டில் பகடியில் ஈடு பட்ட போது பக்கத்திலிருந்த மின் கம்பத்தில் தடி பட்டு கரன்ட் தாக்கி மிகவும் மோசமான நிலையில் இருந்து இப்போது சம்புரணமாக குணமாகி விட்டார்

 *_ *_ 

அவரின் குடும்பத்தார்க்கு ஆழ்ந்த இரங்கல்கள்