தலை துண்டிக்கப்பட்ட ராஜநாகம் தீண்டி சமையல்காரர் மரணம்

by **நண்பன்** Wed 27 Aug 2014 - 10:35

தலை துண்டிக்கப்பட்ட ராஜநாகம் தீண்டி சமையல்காரர் மரணம்
சீனாவில் வடமேற்கு பிராந்திய மக்கள், பாம்பு, நாய், பூனை உள்ளிட்ட உயிரினங்களின் உணவுகளை விரும்பி உண்பர். அதிலும் பாம்பு உணவுகள் என்றால் இங்குள்ள மக்களுக்கு கொள்ளைப்பிரியம்.

மேலும் பாம்புக்கறி மற்றும் பாம்பு சூப் சாப்பிட்டால் உடல் நலம் மேம்படும் என்பது அங்குள்ள மக்களின் நம்பிக்கை. இதனால் இந்த பகுதியில் ஏராளமான பாம்புக்கறி உணவகங்கள் உள்ளன. இந்நிலையில் நேற்று முன்தினம் ஒரு உணவகத்திற்கு

உயிருடன் பிடித்து வரப்பட்ட ராஜநாகத்தை சமையல்காரர் சமையலுக்காக அதன் தலையை வெட்டினார்.

அப்போது வெட்டப்பட்ட தலை அருகே துடித்துக் கொண்டிருந்தது. இந்நிலையில் உடலை எடுத்து சூப் வைத்தார். 20 நிமிடத்திற்கு பின் சூப் தயாரான பிறகு கழிவுகளை எடுத்து குப்பையில் வீசப் போனார்.

அப்போது பாம்பின் தலையை எடுக்க அவர் முயன்றார்.

இந்நிலையில் சமையல் காரரை துடித்துக் கொண்டிருந்த ராஜநாகம் திடீரென கவ்வி கடித்தது.

இதில் அவரது உடல் முழுவதும் விஷம் ஏறி கீழே விழுந்தார். வலியால் துடித்தபடி உயிருக்கு போராடிக் கொண்டிருந்த அவரை மருத்துமனைக்கு உடன் கொண்டு சென்றனர். ஆனால் செல்லும் வழியிலேயே அவர் உயிரி ழந்தார்.

பொதுவாக ராஜநாகம் உள்ளிட்ட பாம்புகள் தலைவெட்டப்பட்ட பிறகு ஒரு மணி நேரம் வரை உயிருடன் துடித்துக் கொண்டு இருக்கும் இதனை சரியாக கவனிக்காமல் சமையல்காரர் உயிரிழந்தார்.

தினகரன்