நாட்டையே திரும்பிப் பார்க்க வைத்த படங்கள்

by **ahmad78** Wed 1 Oct 2014 - 8:47

இரண்டு இளைஞர்கள், இரண்டு கேமரா... ஒரு நாட்டையே திரும்பிப் பார்க்க வைத்துள்ளது.

ஐரோப்பிய கண்டத்தில் உள்ள லிதுவேனியா (Lithuania) நாட்டில் இருக்கும் கனஸ் (Kaunas) என்ற நகரத்தின் சில சாலைகள் பராமரிப்பின்றி குண்டும், குழியுமாக இருந்துள்ளன. இதை பார்த்த Z999 என்ற அமைப்பை சேர்ந்த இளைஞர்கள், சாலையை சரி செய்யும்படி கோரிக்கை வைத்தனர்.

நாட்டையே திரும்பிப் பார்க்க வைத்த படங்கள் Road02(1)

ஆனால், 'எப்போதும் போல வரும் கோரிக்கைதானே இது' என வழக்கம்போல அரசாங்கம் கண்டுகொள்ளவில்லை. உடனே இந்த அமைப்பைச் சேர்ந்த சேட்டை இளைஞர்களான அர்டுரஸ் அர்டியூசென்கா, யூரிகா பல்கிடி என்ற இரண்டு புகைப்பட கலைஞர்கள், குழி விழுந்த சாலைகளில் வித்தியாசமாக புகைப்படங்கள் எடுத்து சமூக வலைதளங்களில் ஏற்ற ஆரம்பித்தனர்.

நாட்டையே திரும்பிப் பார்க்க வைத்த படங்கள் Road03

சாலையில் தேங்கி நிற்கும் தண்ணீரை பார்த்தவுடன் கடல் பார்த்த மாதிரி ஃபீல் பண்ணி ஓடி வருவது, அந்த தண்ணீரில் துணித் துவைப்பது, டைவ் அடிப்பது, மீன் பிடிப்பது என வெரைட்டியாக பிரித்து மேய்ந்தனர். இந்த புகைப்படங்கள் உலகம் எங்கும் இணையதளங்களில் வைரல் ஆனது. தன் நாட்டின் மானம் போவதாக அரசாங்கம் ஃபீல் பண்ண, இப்போது சாலையை சரிசெய்ய உத்தரவிடப்பட்டுள்ளது.

நாட்டையே திரும்பிப் பார்க்க வைத்த படங்கள் Road04

''குண்டும் குழியுமான சாலையை சரி பண்ணும் விஷயத்தில், அரசாங்கத்திலேயே பெரிய ஓட்டை இருந்தது. இதை சிரிக்கும்படி சொல்லனும்னு நினைச்சோம். எங்கள் போட்டோக்கள் மூலமாக சொல்லிட்டோம். இதுபோல் மக்களுக்கு இருக்கும் பல்வேறு பிரச்னைகளை சின்ன சிரிப்புடன் எங்கள் புகைப்படங்கள் மூலமாக சொல்லனும்னு இருக்கோம். மற்றபடி யார் மனதையும் புண்படுத்துவதற்காக அல்ல'' என்கிறார்கள் அந்த இளைஞர்கள்.

ஏன்ப்பா.. நம்ப நாட்டு புகைப்பட கலைஞர்களும் இதுபோல் பண்ணலாமே?

-நா.சிபிச்சக்கரவர்த்தி

விகடன்