பெண்களை அதிகம் தாக்கும் பக்கவாதம்!

by **ahmad78** Tue 4 Nov 2014 - 10:16

ஒவ்வொரு ஆண்டும் பக்கவாதத்தால் ஏற்படும் இறப்புகள் எய்ட்ஸ், டிபி மற்றும் மலேரியாவில் ஏற்படும் இறப்புகளை விட அதிகமாக உள்ளது. இந்தியாவில் ஆண்டிற்கு 15 லட்சம் பேர் பக்கவாதத்தால் பாதிக்கப்படுகின்றனர். இதில் 41 சதவீதம் பேர் இறப்பிற்கு ஆளாகின்றனர். இந்தியாவில் நகர்புறத்தில் ஒரு லட்சம் பேரில் 334 முதல் 424 பேர் பக்கவாதத்தால் பாதிக்கப்படுகின்றனர். இதில் பாதிக்கப்படும் 12 சதவீதம் பேர் 40 வயதிற்கு குறைவாக உள்ளவர்கள். பக்கவாதத்தினால் ஏற்படும் இறப்பு வீதம் ஆண்களை விட பெண்களே அதிகம். பத்தில் ஆறு பெண்கள் பக்கவாதத்தினால் இறக்கின்றனர்.

பெண்களுக்கு பக்கவாதம் ஏற்படுவதற்கு காரணம் நீரழிவு நோய், மன அழுத்தம் மற்றும் உயர் ரத்த அழுத்தம். கர்ப்ப காலத்தில் ஏற்படும் நீரழிவு நோய், ஹார்மோன் மாறுதல் ஆகியவை. இந்த காரணத்தினால் ஐந்தில் ஒரு பெண் பக்கவாதத்தினால் பாதிக்கப்படுகின்றனர். ஆண்களை விட பெண்களுக்கு பக்கவாதத்தினால் விளைவுகள் அதிகம். இதனால் பெண்களுக்கு பெருமூளை நரம்பில் ரத்த உறைவு, மூளையில் ஏற்படும் ரத்தகசிவு ஆகியவை பெண்களை அதிகம் பாதிக்கிறது. பக்கவாதத்தால் ஏற்படும் மன அழுத்தம் ஆண்களை விட பெண்களையே அதிகம் பாதிக்கிறது. குடும்பத்தில் ஒருவர் பக்கவாதத்தினால் பாதிக்கப்பட்டால், அந்த குடும்பத்திலுள்ள பெண்களுக்கே பராமரிப்பு சுமை அதிகமாகிறது.

பக்கவாதத்தினால் பாதிக்கப்பட்ட பெண்கள் பலர் சரியான கவனிப்பின்றி தனிமைப்படுத்தப்படுகின்றனர். இதனால் பக்கவாதத்திலிருந்து பெண்கள் குணமடைவது ஆண்களை காட்டிலும் குறைவாக உள்ளது. பக்கவாதம் குறித்த விழிப்புணர்வு பெண்களுக்கு அதிகம் இருப்பினும், அவர்கள் பக்கவாதத்தால் பாதிக்கப்படும் போது மருத்துவமனைக்கு செல்வதில் தாமதம் செய்கின்றனர். பக்கவாதம் அவசர சிகிச்சை எடுக்கப்பட வேண்டிய நோய், எனவே, பக்கவாதத்தின் அறிகுறிகள் கண்டறியப்பட்ட உடனே பாதிக்கப்பட்டவருக்கு மூன்று மணி நேரத்திற்குள் சிகிச்சை அளித்தால் மூளை சேதத்தை குறைக்கலாம்.

மருத்துவமனைகளில் உள்ள பக்கவாத மறுவாழ்வு சிகிச்சை மையத்தில் பக்கவாதத்தால் பாதிக்கப்பட்டவர்களுக்கு கையில் குறைபாடுகளை சரிப்படுத்தவும், தசையின் செயல்பாட்டை அதிகப்படுத்தவும், அன்றாட வேலைகளை ஊக்குவிக்கவும், நடைமுறைபாடுகளை சரிப்படுத்தவும், உடல் சமநிலையை சரிப்படுத்தவும், கை மற்றும் கால்களுக்கு பயிற்சி அளிக்கவும், மூளை மறு பயிற்சியை ஊக்குவிக்கவும், தன்னிச்சையான உடல் இயக்கத்தை அதிகபடுத்தவும் நவீன கருவிகள் மூலம் சிகிச்சை அளிக்கின்றனர்.

http://www.dinakaran.com/Medical_Detail.asp?cat=500&Nid=3003