சுறுசுறுப்பான குழந்தைகளையும் முடக்கும்!

by **ahmad78** Wed 1 Jul 2015 - 11:31

நூடுல்ஸ் சிக்கல்ஸ்
சுறுசுறுப்பான குழந்தைகளையும் முடக்கும்! Ht3673

மேகி நூடுல்ஸை விரும்பிச் சாப்பிடும் குழந்தைகள் மற்ற நிறுவன நூடுல்ஸை திரும்பிக் கூட பார்ப்பதில்லை. இப்படியாக தன் சுவையால் குழந்தைகளை வசியப்படுத்தியிருக்கும் நூடுல்ஸ் சுவையூக்கிகளால் ஏற்படும் விளைவுகள் குறித்து கூறுகிறார் குழந்தைகள் நல நிபுணர் ஆத்மார்த்தன்...

‘‘மோனோ சோடியம் க்ளூட்டோமேட் உப்பு அதிக அளவு சேர்ப்பதுதான் நூடுல்ஸின் மிகுசுவைக்கு காரணமாகும். பன்றியின் குடலில் உள்ள தேவையற்ற அமினோ அமிலங்களில் இருந்து மோனோ சோடியம் க்ளூட்டோமேட் உப்பை தயாரிக்கிறார்கள். நல்ல சுவைதான் விற்பனைக்கு அடித்தளமாக இருக்கிறது என்பதால் உணவுப் பொருட்களில் சேர்க்கவே கூடாத இந்த உப்பை 67 சதவிகிதம் வரையிலும் சேர்க்கிறார்கள். இதனால் குழந்தைகளோடு, பெரியவர்களும் கூட இதன் சுவைக்கு அடிமையாகிவிடுகிறார்கள்.

நூடுல்ஸ் ஒன்றுடன் ஒன்று ஒட்டாமல் இருப்பதற்காக மெழுகுப்பூச்சு செய்யப்படுகிறது. இந்த மெழுகானது உடலை விட்டு வெளியேற குறைந்தது 4 நாட்கள் ஆகும். குறிப்பிட்ட நூடுல்ஸில் 17 பங்குகள் காரீயம் பயன்படுத்தப்படுகிறது. அளவுக்கு அதிகமான இந்தக் காரீயம் நச்சுத்தன்மையை ஏற்படுத்தி, கை கால் உதறல், நடுக்கம், மன இறுக்கம் ஆகியவற்றை கொண்டுவரும். இதனால் குழந்தைகளின் இயல்பான சுறுசுறுப்பை பாதித்து முடக்கிப்போடும்.

மோனோ சோடியம் க்ளூட்டோமேட் உப்பானது குழந்தைகளின் உடலில் அதிகம் சேர்ந்தால் நச்சுத்தன்மையை அதிகமாக்கி மைக்ரேன் என்னும் ஒற்றைத் தலைவலியை உருவாக்கும். இதயத் துடிப்பை அதிகப்படுத்தி இதய நோய்கள், மிகை ரத்த அழுத்தம் ஆகியவற்றுக்கும் காரணமாகும்.

நூடுல்ஸ் மட்டுமல்ல... பாக்கெட்டிலும் டின்னிலும் அடைத்து வரும் பதப்படுத்தப்பட்ட எந்த உணவு வகைகளையும் குழந்தைகளுக்கு கண்டிப்பாக கொடுக்கக் கூடாது. வீட்டில் அளவான உப்போடு சமைத்த சத்தான உணவுகளையே குழந்தைகளுக்கு கொடுக்க வேண்டும்...’’

http://www.dinakaran.com/Medical_Detail.asp?cat=500&Nid=3683

by **நண்பன்** Sat 4 Jul 2015 - 8:30

மிக மிக பயனுள்ள தகவல் முன்பு ஒரு நேரம் நான் என் குழந்தைகள் அனைவரும் விரும்பி சாப்பிடுவதுதான் இந்த நூட்லிஸ் எப்பா வேண்டவே வேண்டாம்பா ருஷிக்கா நோயை வாங்குவதா வேண்டே வேண்டாம்.

by *சம்ஸ் Sat 4 Jul 2015 - 11:58

இன்று அதிகமான குழந்தைகள் இதை விரும்பி சாப்பிடுவது வழக்கம் காலை, மதிய உணவு என்று மிக இழகுவாக செய்ய முடிவதால் இதை தாய்மார்கள் செய்து கொடுப்பதும் உண்டு இதை நாம் முழுமையாக தவிர்ப்போம்!பயனுள்ள தகவல் பகிர்விற்கு நன்றி.