அச்சுப்பிரதிகளை சமையலறையில் உபயோகிக்கின்றீர்களா?

செய்தித்தாள்கள், செய்தி படிப்பதற்கு என்ற நிலையைக் கடந்து பல பயன்பாடுகளுக்கு உபயோகமாகிறது என்பது மகிழ்ச்சியான விஷயமே..!
ஆனால் அதிலும் சிலவகை பயன்பாடுகளில் ஆபத்து இருக்கிறது என்று ஆய்வாளர்கள் எச்சரிக்கிறார்கள்.

அதில் ஒன்று தான் செய்தித்தாளில் கை துடைப்பது. சிறிய ஓட்டல்கள், தெருவோர உணவகங்களில் சாப்பிட்டு கைகழுவிய பின், ஈரமான கைகளை துடைப்பதற்கு பழைய செய்தித்தாள்களை கத்தரித்து வைத்திருப்பார்கள்.

அவற்றில் நம் கையை துடைக்கும் போது, நமது உடலுக்குள் காரீயம் சென்றுவிடுகிறது. எப்படி என்கிறீர்களா? செய்தித்தாளின் அச்சு மையில் காரீயம் உள்ளது.

அது உலர்வாக இருக்கும்வரை எந்த பிரச்சினையும் இல்லை. தண்ணீர் பட்டால், பிரச்சினைதான்.

பலரும் வடை, பஜ்ஜி போன்ற எண்ணெய்ப் பலகாரங்களில் உள்ள எண்ணெயை வெளியேற்ற செய்தித்தாள்களை பயன்படுத்துகிறார்கள். இது அதைவிட மிகப் பெரிய ஆபத்து.

காரீயம் நேரடியாக உணவுக் குழாய்க்குள் சென்று விடும். காரீயம் உடலுக்குள் சென்றால் அது சிறுநீரகம், கல்லீரல், எலும்பு வளர்ச்சி, தசை வளர்ச்சி என்று எல்லாவற்றையும் பாதிக்கும்.

இப்படி கெடுதல் விளைவிக்கும் சில பொருட்கள் உடலுக்குள் சென்றால், காலப்போக்கில் அது கழிவாக வெளியே வந்துவிடும்.

ஆனால் காரீயத்தின் கதை வேறு. அது கழிவாக வெளியே செல்வதில்லை. தொடர்ந்து காரீயம் உள்ளே போகப் போக சேர்ந்து கொண்டே போகும்.
கெடுதல்கள் கூடிக்கொண்டே போகும். நிறைய பேர் காரீயம் என்றால் அது ஈயம், அலுமினியம் என்று நினைக்கிறார்கள். அது தவறு.

காரீயம் வேறு, இவை வேறு. ஈயமும் அலுமினியமும் நமக்கு கெடுதல் தராத உலோகங்கள்.

எவர்சில்வர் பாத்திரங்கள் வருவதற்கு முன்பு நமது சமையல் அறைகளை ஆட்சி செய்தவை, ஈயம் பூசப்பட்ட பித்தளைப் பாத்திரங்களும், அலுமினியப் பாத்திரங்களும் தான்.

அதனால் அவை கெடுதல் இல்லை. காரீயம் தான் கெடுதல். முன்பெல்லாம் பெட்ரோலில் கூட காரீயம் இருந்தது. அது வாகனப்புகை மூலம் காற்றின் வழியாக மனித நுரையீரலுக்குள் தஞ்சம் அடைந்தது.

இப்போது பெட்ரோலில் காரீயம் நீக்கப்பட்டு விட்டது. சில உலோகங்கள் ஓரளவுக்கு உடலில் இருக்கலாம் அது கெடுதல் தராது என்பார்கள்.

ஆனால் காரீயம் சிறிதளவு உடலுக்குள் சென்றால் கூட கெடுதல்தான்.
அதனால்தான் மேகி நூடுல்சுக்கு அவ்வளவு பெரிய எதிர்ப்பு வந்து, தடை செய்யப்பட்டது.

இலங்கையர்கள்  பலர் இந்த தப்பை தொடர்ந்து செய்கின்றார்கள்.  நம்மவர்கள் எத்தனை சொன்னாலும் புரிந்துப்பதில்லை. 

அச்சுக்கு பாவிக்கும் மைகள் நம் உடலுக்கு தீங்கானவைகள்.  காய்கறிகளை வெட்டி பத்திரிகைகளில் வைப்பதும்,  பொரித்த உணவுகளை  எண்ணெய் ஊற என  பத்திரிகைகள் மேல் இடுவதும் . உணவுப்பார்சல்கள் கட்டுவதும் மிக மிக தவறான காரியம். 

திருந்துங்கப்பா!

நான் சப்பாத்தி கட்டையை ஈரம் போக துடைப்பேன் ... இனிமே செய்யக் கூடாதுப்பா ....

பகிர்வுக்கு நன்றி நிஷா

உண்மைதான் அக்கா மிகவும் அவசியமான பதிவு யாரும் இவற்றை கவனிப்பதில்லை சாதாரணமாக பயன்படுத்துகிறார்கள் 

நன்றி அக்கா

பயனுள்ள தகவல் அக்கா நன்றி பகிர்ந்தமைக்கு தொடர்ந்து இது போன்ற பயனுள்ள தகவல்களைப் பகிர்ந்து கொள்ளுமாறு மிகவும் தயவாய் வேண்டுகிறேன்
நன்றியுடன் நண்பன்

கருத்திட்ட அனைவருக்கும் நன்றி. 

நீங்களும் பத்திரிகைகளில் உணவு பொருட்களை வைத்து உண்ண பயன் படுத்தாதீர்கள். 

ரிஸ்யூ பேப்பர் போன்று அச்சில்லாதன் பேப்பர்கள் கிச்சன் தேவைக்கு என கிடைக்கும்.  செலவும் சிரமமும் பாராமல் அதை வாங்கி பயன் படுத்துங்கள்.  ஆரோக்கியத்துக்கு நல்லது!

Nisha wrote:கருத்திட்ட அனைவருக்கும் நன்றி. 

நீங்களும் பத்திரிகைகளில் உணவு பொருட்களை வைத்து உண்ண பயன் படுத்தாதீர்கள். 

ரிஸ்யூ பேப்பர் போன்று அச்சில்லாதன் பேப்பர்கள் கிச்சன் தேவைக்கு என கிடைக்கும்.  செலவும் சிரமமும் பாராமல் அதை வாங்கி பயன் படுத்துங்கள்.  ஆரோக்கியத்துக்கு நல்லது!

முன்பு ஒரு காலத்தில் பயன் படுத்திய நினைவுண்டு இப்போல்லாம் இல்லை அது ஒரு காலம்
இப்போது இல்லை நன்றி அக்கா