ஆணவம் அழித்துவிடும் மகனே........

by **நேசமுடன் ஹாசிம்** Tue 23 Feb 2016 - 10:55

என் அன்பு மகனே....
அதிகாரங்கள் உனக்கு வந்ததென்று
ஆணவத்தை ஏன் தலையிலேந்துகிறாய் - அதன்
சுமையில் உன் தலை கவிழ்ந்துவிடாதா...??

ஆணவப் பேய் கொண்டு
அழிந்தவர் அகிலத்திலதிகம்
அறிவாளியாய்த் தானிருந்தும்
அறிவிலிபோல் நடந்து
அவமானப் பட்டவரும் அதிகமுண்டு

உன் அன்னையும் ஆசானும்
கற்றுத் தந்த அடக்கமெங்கே
அதிரும் உன் வார்த்தைகளால்
அவதியுண்டு அவர்களுக்கும்
அறிந்திடு அகமகிழ்வாய்

என் தங்க மகனே.....
சுற்றத்துச் சூழல்
சுழலும் உன் வாழ்வில்
அணைந்திடாச் சுடராய் - என்றும்
இருள் மட்டும் அகற்றி விடு
சுட்டரித்திடத் துணிந்திடாதே - அதில்
வெந்து நீ அழுவது நீயாவாய்

விண்ணில் நீ பறந்தாலும்
அடங்குவது ஆறடி மண்ணில்தான்
அடக்கம் உன் நாவிலும் நடத்தையிலுமேந்தி
நல்லாட்சியாளனாய் மனங்களை வென்றிடு

எனைத் தாங்கும் உயிரே நீ....
ஒன்று மட்டும் உணர்ந்து நட
எம் குணம் ஒரு கண்ணாடி
நாம் காணும் விம்பங்கள் எம் முன்னாடி

இன்றய காயங்கள் நாளைய தழும்புகளாகும்
எத்தளர்வும் உமை தடுத்திடக்கூடாது
எதிரியாக்கிடா வார்த்தைகளை
உன் வாழ்விலேந்தி வளமாக்கிடு

by **சே.குமார்** Mon 29 Feb 2016 - 6:12

இன்றய காயங்கள் நாளைய தழும்புகளாகும்...

உண்மை...

நல்ல கவிதை...

வாழ்த்துக்கள்

by **நேசமுடன் ஹாசிம்** Wed 2 Mar 2016 - 10:17

சே.குமார் wrote:இன்றய காயங்கள் நாளைய தழும்புகளாகும்...

உண்மை...

நல்ல கவிதை...

வாழ்த்துக்கள்

மிக்க நன்றி அண்ணா

by **Nisha** Wed 2 Mar 2016 - 13:50

மகளுக்காய் மனதிலிருந்து விழுந்த வார்த்தைகள் அர்த்தமுள்ளவை. அருமை.

by *சம்ஸ் Wed 2 Mar 2016 - 13:59

அத்தனையும் அருமையான வரிகள் வாழ்த்துக்கள் நண்பா

by **நேசமுடன் ஹாசிம்** Wed 2 Mar 2016 - 14:30

Nisha wrote:மகளுக்காய் மனதிலிருந்து விழுந்த வார்த்தைகள் அர்த்தமுள்ளவை. அருமை.

மகனுக்கென்று கருவமைத்து பொதுவாக எழுதியதுதான் ஒருவரின் வரிகள் என்னுள்ளத்தை தைத்தது என்னை மாத்திரமல்ல என் சார்ந்த நண்பர்களும் கவலையடைந்தார்கள் அதற்கான ஒரு அறிவுறுத்தலாக அமைந்தது இக்கவிதை யாருக்காக எழுதினேனோ அவரும் இக்கவிதையினை பார்த்திருப்பார் என்பது நிச்சயமாக தெரியும்

by **நேசமுடன் ஹாசிம்** Wed 2 Mar 2016 - 14:31

*சம்ஸ் wrote:அத்தனையும் அருமையான வரிகள் வாழ்த்துக்கள் நண்பா

மிக்க நன்றி எங்க தோழா தொடரவில்லை நிலமைகளை சீர்செய்து தொடருங்கள் சேனையுடன் வெறிச்சோடிக் கிடக்கிறது எம் சோலை

by **பானுஷபானா** Tue 8 Mar 2016 - 15:46

விண்ணில் நீ பறந்தாலும்
அடங்குவது ஆறடி மண்ணில்தான்
அடக்கம் உன் நாவிலும் நடத்தையிலுமேந்தி
நல்லாட்சியாளனாய் மனங்களை வென்றிடு

எனைத் தாங்கும் உயிரே நீ....
ஒன்று மட்டும் உணர்ந்து நட
எம் குணம் ஒரு கண்ணாடி
நாம் காணும் விம்பங்கள் எம் முன்னாடி

இன்றய காயங்கள் நாளைய தழும்புகளாகும்
எத்தளர்வும் உமை தடுத்திடக்கூடாது
எதிரியாக்கிடா வார்த்தைகளை
உன் வாழ்விலேந்தி வளமாக்கிடு

அருமையான வரிகள் ஹாசிம்

by Sponsored content

ஆணவம் அழித்துவிடும் மகனே........

ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........

Re: ஆணவம் அழித்துவிடும் மகனே........