ரயில்களின் பயணநேரம் குறைகிறது

by **rammalar** Sat 21 Oct 2017 - 11:21

புதுடில்லி:
நீண்ட தூரம் செல்லும் 500 ரயில்களின் மொத்த பயண
நேரத்தில் 2 மணி நேரம் வரை குறைக்கப்படுகிறது.
இது குறித்து அடுத்த மாதம் வெளியிடப்படும் புதிய ரயில்
நேர அட்டவணையில் அறிவிக்கப்பட உள்ளது.

500 ரயில்களில்

இது தொடர்பாக ரயில்வே அதிகாரி ஒருவர் கூறுகையில்,
ரயில்களை அதிகளவில் பயன்படுத்த நாங்கள் திட்டமிட்டுள்ளோம்.
இதனை இரண்டு வழிகளில் நடைமுறைபடுத்தப்படும்.

ஏதாவது ஒரு இடத்தில், திரும்பி வருவதற்காக ஒரு ரயில் நிறுத்தி
வைக்கப்பட்டிருந்தால், அது வேறொரு இடத்திற்கு அனுப்பி
வைக்கப்படும். புதிய ரயில் அட்டவணையில் 50 ரயில்கள் இது
போன்று பயன்படுத்தப்படும். 51 ரயில்களின் மொத்த பயண
நேரம் உடனடியாக சுமார் ஒரு மணி நேரம் முதல் 3 மணி நேரம்
குறைக்கப்படும். தொடர்ந்து, 500 ரயில்களில் இது
அமல்படுத்தப்படும்.

குறைகிறது

50 எக்ஸ்பிரஸ் ரயில்களை சூப்பர் பாஸ்ட் ரயில்களாக மாற்ற
ரயில்வே ஆய்வு செய்து வருகிறது. சராசரி வேகத்தை அதிகரிக்கும்
திட்டத்தின் ஒரு பகுதியாக தான் இந்த ஆய்வு நடக்கிறது.
போபால் ஜோத்பூர் எக்ஸ்பிரஸ் ரயிலின் பயண நேரம்
95 நிமிடங்களும், கவுகாந்தி இந்தூர் சிறப்பு ரயிலின் பயண
நேரம் 115 நிமிடங்களும், காசிபூர்பந்தரா எக்ஸ்பிரஸ் ரயில்
நேரம் 95 நிமிடங்களும் குறையும். இவ்வாறு அவர் கூறினார்.
-
--------------------------------
தினமலர்

by **பானுஷபானா** Tue 24 Oct 2017 - 14:22

ரயில்களின் பயணநேரம் குறைகிறது

ரயில்களின் பயணநேரம் குறைகிறது

Re: ரயில்களின் பயணநேரம் குறைகிறது