ஐதராபாத் மெட்ரோ ரயில் சேவை: பிரதமர் மோடி துவக்கி வைக்கிறார்

ஐதராபாத், 
தெலுங்கானா தலைநகர், ஐதராபாதில், இன்று, 
மெட்ரோ ரயில் போக்குவரத்தை, பிரதமர் நரேந்திர மோடி, 
கொடியசைத்து துவக்கி வைக்கிறார்.

தெலுங்கானாவில், தெலுங்கானா ராஷ்ட்ரீய சமிதி தலைவர், 
சந்திரசேகர ராவ் முதல்வராக உள்ளார். இம்மாநிலத் தலைநகர், 
ஐதராபாதில், மெட்ரோ ரயில் திட்டம் இரு கட்டங்களாக
 நிறைவேற்றப்படுகிறது. 

முதற்கட்டமாக, 30 கி.மீ., நீளமுள்ள, மெட்ரோ ரயில் பணிகள் 
முடிந்ததை அடுத்து, நாளை(நவ.28) பிற்பகல், அதன் துவக்க 
விழா நடக்கிறது. 

மியாபூர் ரயில் நிலையத்தில் நடக்கும் விழாவில், பிரதமர் மோடி 
பங்கேற்று, மெட்ரோ ரயில் சேவையை, கொடியசைத்து துவக்கி 
வைக்கிறார். 'வர்த்தக ரீதியிலான போக்குவரத்து, நாளை துவங்கும்'
 என, அறிவிக்கப்பட்டு உள்ளது.துவக்க விழாவில், 
மியாபூர் - குகட்பள்ளி இடையே, மெட்ரோ ரயிலில், பிரதமர் 
மோடியும், முதல்வர் சந்திரசேகர ராவும் பயணிக்க உள்ளனர்.

ஐதராபாத் மெட்ரோ ரயில் சேவை, முதற்கட்டமாக, மியாபூர் - 
நாகோல் இடையே செயல்படுகிறது. 
இதில், 24 ரயில் நிலையங்கள் உள்ளன. துவக்கத்தில், மெட்ரோ
 ரயில், காலை, 6:00 மணி முதல், இரவு, 10:00 மணி வரை இயங்கும். 

பின், காலை, 5:30 மணி முதல், இரவு, 11:00 மணி வரை இயங்கும் 
வகையில், பயணத் திட்டம் மாற்றி அமைக்கப்படும் என, 
அதிகாரிகள் தெரிவித்தனர்.

மெட்ரோ ரயில் பயணத்திற்கு, துாரத்திற்கு ஏற்ப, 10 - 60 ரூபாய் 
வரை கட்டணம் வசூலிக்கப்படும் என, அறிவிக்கப்பட்டு உள்ளது.
-
------------------------------------
தினமலர்