மகளிர் தினத்தை முன்னிட்டு சென்னை-டெல்லி இடையே பெண்களே இயக்கும் விமானம்: இன்று காலை பறக்கிறது

by **rammalar** Fri 8 Mar 2019 - 0:34

சென்னை:
சர்வதேச மகளிர் தினத்தை முன்னிட்டு சென்னையில்
இருந்து டெல்லிக்கும், டெல்லியில் இருந்து சென்னைக்கும்
2 விமானங்களை பெண்களே இயக்குகின்றனர்.

சர்வதேச மகளிர் தினத்தை ஒட்டி சென்னை விமான
நிலையத்தில் இன்று (8ம் தேதி) 2 ஏர் இந்தியா விமானங்களை
முழுக்க, முழுக்க பெண்களே இயக்க உள்ளனர்.

காலை 6.10 மணிக்கு சென்னை உள்நாட்டு முனையத்தில்
இருந்து டெல்லி செல்லும் ஏஐ-440 என்ற ஏர் இந்தியா விமானம்
பெண்களால் இயக்கப்படுகிறது.

தலைமை விமானி தீபா, துணை விமானி விருந்தா நாயர்,
மற்றும் விமான பொறியாளர்கள், பணிப் பெண்களான சாலினி,
சகரியா, அஞ்சலெட்சுமி, ஆலிஸ், வர்னிதா ஆகியோர் குழுவில்
உள்ளனர்.

காலை 6.10 மணிக்கு சென்னையில் புறப்படும் இந்த
விமானம் காலை 9 மணிக்கு டெல்லி விமான நிலையம்
சென்றடைகிறது.

இதையடுத்து டெல்லியில் இருந்து காலை 9.50 மணிக்கு
சென்னை புறப்படும் ஏர் இந்தியா ஏஐ-409 விமானத்தையும்
முழுக்க, முழுக்க பெண்களே இயக்குகின்றனர். பெண்
விமானி தீபா தலைமையிலான குழுவினரே இந்த
விமானத்தையும் இயக்குகின்றனர்.

காலை 9.50 மணிக்கு டெல்லியில் புறப்படும் இந்த விமானம்
பகல் 12.40 மணிக்கு சென்னை வந்தடையும். முழுக்க
பெண்களால் இயக்கப்படும் இந்த விமானங்களில் பயணம்
செய்யும் பெண் பயணிகளை ரோஜா பூ கொடுத்து வரவேற்க
அதிகாரிகள் திட்டமிட்டுள்ளனர்.
-
------------------------தினகரன்

by **பானுஷபானா** Sat 9 Mar 2019 - 13:25

மகளிர் தினத்தை முன்னிட்டு சென்னை-டெல்லி இடையே பெண்களே இயக்கும் விமானம்: இன்று காலை பறக்கிறது

மகளிர் தினத்தை முன்னிட்டு சென்னை-டெல்லி இடையே பெண்களே இயக்கும் விமானம்: இன்று காலை பறக்கிறது

Re: மகளிர் தினத்தை முன்னிட்டு சென்னை-டெல்லி இடையே பெண்களே இயக்கும் விமானம்: இன்று காலை பறக்கிறது