நரம்பு தளர்ச்சி நீங்க, நரம்பு சக்தி பெற உண்ண வேண்டிய உணவுகள்

வெண்தாமரைப் பூ நரம்புத் தளர்ச்சிக்கு அரிய மருந்து.

இந்தப் பூக்களை நன்கு கழுவி விட்டு.. பூவின் இதழ்களை 
மட்டும் எடுத்து நிழல் உணர்த்தலாக நன்கு உலர வைக்கவும். 
இதனுடன் தேவையான அளவு டைமண்ட் கல்கண்டு சேர்த்துப் 
பொடி செய்து வைத்துக் கொண்டு நாள்தோறும் ஒரு 
டேபிள்ஸ்பூன் சாப்பிட்டு வர நரம்புகள் மட்டுமல்ல இதயமும் 
சேர்ந்து பலப்படும்.

இது கிராமத்துப் பாட்டி மருத்துவம்.

அடுத்து நமது முருங்கைக்கீரை !

நரம்புத் தளர்ச்சி நீங்க முருங்கைக்கீரை ஒரு அற்புதமான உணவு.

ஒரு டம்ளர் தண்ணீரைத் தளதளவென கொதிக்க வைக்கவும்.

அதில் முருங்கைக் கொப்புகள் ஐந்தாறை நன்கு கழுவி விட்டு.. 
சின்னத் துண்டுகளாக நறுக்கிப் போட்டுத் தேவையான அளவு 
உப்பு மற்றும் நாலைந்து மிளகையும் ஒரு தட்டு தட்டிப் போட்டு 
நன்கு கொதிக்க விடவும்.

ஆறியதும் அதை வடிகட்டிக் குடிக்கவும்.

வாரத்தில் மூன்று நாட்கள் தொடர்ந்து இப்படிக் குடித்துப் 
பாருங்கள்.. நல்ல முன்னேற்றம் தெரியும்.

அடுத்தது.. உலர் கொட்டைகளை எடுத்துக் கொள்ளுதல்.


இரண்டு மூன்று பாதாம் பருப்புகள்..‌இரண்டு மூன்று முந்திரிப் 
பருப்புகள்.. ஐந்தாறு உலர் திராட்சைப் பழங்கள் மற்றும் பழக் 
கடைகளில் தற்போது கிடைக்கும் உலர் அத்திப்பழம் இரண்டு 
மூன்று - இவற்றையும் தொடர்ந்து சாப்பிட்டு வாருங்கள்.

பாதாம் பருப்பு மூளைக்குத் தேவையான எண்ணெயை ஸ்ப்ரே 
செய்யும்!

அடுத்து.. வெல்லம்.. கேழ்வரகு.. பேரிச்சம்பழம்

கேழ்வரகு.. வெல்லம்.. பேரிச்சம்பழம் போன்ற பழுப்பு 
நிறத்தில் இருக்கும் பொருட்களைச் சாப்பிடும் போது இரத்தம்
 நன்றாக ஊறும். அப்படி இரத்தம் நன்றாக ஊறும் போது 
தன்னிச்சையாக நரம்புத் தளர்ச்சியும் நீங்குகிறது 

பேரிச்சம் பழத்தில் சோடியம் குறைவாகவும்.. பொட்டாசியம் 
அதிகமாகவும் இருப்பதால் நரம்பு மண்டலத்தின் ஆரோக்கியம் 


உணவே மருந்து : மருந்தே உணவு !

இப்படி வாழப் பழகிக் கொண்டால் உடல் நலம் எப்போதும் 
நன்றாக இருக்கும் என்பது நமது முன்னோர்கள் சொல்லி 
வைத்துள்ளது !

நலமே வாழ நல்வாழ்த்துக்கள் அன்பு நண்பரே !