ஆளுங்கட்சியின் பெண் பாராளுமன்ற உறுப்பினர் எதிர்க்கட்சிக்குத் தாவ முடிவு?

by **நேசமுடன் ஹாசிம்** Fri 25 Mar 2011 - 17:44

ஆளுங்கட்சியின் பெண் பாராளுமன்ற உறுப்பினர் ஒருவர் எதிர்க்கட்சிக்குத் தாவ முடிவு செய்துள்ளதாக வெளிவந்துள்ள செய்திகள் அரசாங்கத்துக்குள் சலசலப்பை ஏற்படுத்தியுள்ளன.
ஆளுங்கட்சியின் கம்பஹா மாவட்ட பாராளுமன்ற உறுப்பினரான உபேக்ஷா சுவர்ணமாலி (பபா)வே அவ்வாறு ஐக்கிய தேசியக் கட்சியுடன் இணைந்து கொள்ளவுள்ளதாக நம்பகமான வட்டாரங்களிலிருந்து செய்திகள் வெளியாகியுள்ளன.

சுவர்ணமாலி ஐக்கிய தேசியக் கட்சியின் மூலம் பாராளுமன்றத்துக்குத் தெரிவாகி, அதன் பின் 18ம் திருத்தச் சட்டத்துக்கு ஆதரவாக வாக்களித்து ஆளுங்கட்சியில் இணைந்து கொண்டவராவார்.ஆளுங்கட்சியில் அவர் இணைவதற்கு கணவரின் அழுத்தமே காரணம் என்றும் தகவல்கள் வெளியாகியிருந்தன.

தற்போது அவர் தன் கணவரிடமிருந்து விவாகரத்துப் பெற தீர்மானித்துள்ள நிலையில், அதனுடன் இணைந்ததாக மீண்டும் எதிர்க்கட்சிக்குத் திரும்பி விடவும் முடிவு செய்துள்ளாராம்.அது தொடர்பில் எதிர்க்கட்சியின் முக்கியஸ்தர்கள் பலரும் அவருடன் கலந்தாலோசனை நடாத்தியுள்ளனர்.

ஆயினும் அவர் ஆளுங்கட்சியை விட்டு வெளியேறுவதைத் தடுக்கும் நோக்கில் அரசாங்கத்தின் முக்கியஸ்தர்களும் முயற்சிகளை மேற்கொண்டுள்ளனர்.