குடியுரிமையை பெறுவதற்காக குழந்தை பெற அமெரிக்கா செல்லும் சீன பெண்கள்

by *சம்ஸ் Thu 31 Mar 2011 - 6:38

குழந்தைகளுக்கு குடியுரிமை அமெரிக்க அரசியல் சட்டத்தின் 14 வது பிரிவின் படி அங்கு பிறக்கும் எந்த ஒரு குழந்தைகளும் தானாகவே அந்நாட்டு குடியுரிமை கிடைத்து விடும்.
அதன் பின்னர் அக்குழந்தை அமெரிக்க குடிமகன் என்பதால் அனைத்து வசதி வாய்ப்புகளும் தானாக கிடைத்து விடும்.

எனவே அங்கு சென்று குழந்தை பெற மற்ற நாட்டு பெண்கள் விரும்புகின்றனர். சீனா மற்றும் லத்தீன் அமெரிக்கா நாடுகள் மற்றும் ஏழை நாடுகளை சேர்ந்த பெண்கள் அங்கு சென்று குழந்தை பெற்றுக் கொள்கின்றனர். அதற்காகவே கர்ப்பிணி பெண்கள் பிரசவத்திற்கு ஒரு மாதத்துக்கு முன்பே சுற்றுலா விசாவில் அமெரிக்காவுக்கு செல்கின்றனர்.

அங்கு உறவினர்களின் வீட்டில் தங்கியிருப்பது போன்று போலியாக நாடகமாடுகின்றனர். பிரசவம் முடிந்தவுடன் குழந்தைகளுடன் அங்கிருந்து புறப்பட்டு தங்கள் நாடுகளுக்கு சென்று விடுகின்றனர். இந்த மோசடி சமீபத்தில் கண்டுபிடிக்கப்பட்டது.

கலிபோர்னியாவில் உள்ள சான்கேபிரியல் நகரில் உள்ள ஒரு வீட்டில் குடியுரிமை அதிகாரிகள் அதிரடி சோதனை நடத்தினர். அங்கு தங்கியிருந்த ஏராளமான கர்ப்பிணிகளும், குழந்தைகளுடன் தங்கியிருந்த பெண்களும் பிடிபட்டனர்.

சுற்றுலா விசாவில் வந்த அவர்களை ஓட்டல்களில் சென்று தங்கும்படி அறிவுறுத்தி வெளியேற்றப்பட்டனர். இதற்கிடையே அமெரிக்காவில் பிறக்கும் அனைத்து குழந்தைகளுக்கும் குடியுரிமை என்ற அரசியல் சட்டத்தின் 14 வது பிரிவை நீக்க வேண்டும் என அரசியல்வாதிகள் வலியுறுத்தி வருகின்றனர்.