சுவிட்சர்லாந்து மக்கள் அதிகளவில் தோல் புற்று நோயினால் பாதிக்கப்படுகின்றனர்

by *சம்ஸ் Mon 18 Apr 2011 - 4:42

சுவிட்சர்லாந்து மக்கள் அதிகளவில் தோல் புற்று நோயினால் பாதிக்கப்படுவதாகத் தெரிவிக்கப்படுகிறது.

ஏனைய அனைத்து ஐரோப்பிய நாடுகளை விடவும் சுவிட்சர்லாந்தில் அதிகளவு தோல் புற்று நோய் ஏற்படுவதாகக் குறிப்பிடப்படுகிறது.

ஒவ்வொரு 100,000 பேரிலும் 22 பேருக்கு வருடாந்தம் தோல் சார்பான புற்று நோய் ஏற்படுவதாகக் குறிப்பிடப்படுகிறது.

உலக அளவில் அதிகளவு தோல் புற்று நோய் ஏற்படும் நாடுகளின் வரிசையில் சுவிட்சர்லாந்து மூன்றாம் இடத்தை வகிக்கின்றது.

அண்மைய நாட்களாக சுவிட்சர்லாந்தின் வெப்பநிலை உயர்வாகக் காணப்படுவதனால் சூரியக் குளியல் போடும் நபர்கள் அவதானமாக செயற்பட வேண்டுமென மருத்துவர்கள் எச்சரிக்கை விடுத்துள்ளனர்.

சூரிய ஒளி அதிகளவில் உடலுக்கு படுவதனால் இவ்வாறு கூடுதலாக தோல் சார் புற்று நோய்கள் ஏற்படுவதாகக் குறிப்பிடப்படுகிறது.