ஐரோப்பிய நாடாளுமன்ற கூட்டத்தை நிராகரித்து இருக்கும் இலங்கை

by **நேசமுடன் ஹாசிம்** Thu 2 Jun 2011 - 21:16

ஐரோப்பிய நாடாளுமன்ற வளாகத்தில் இலங்கை தொடர்பாக நேற்று இடம்பெற்ற மாநாட்டை மஹிந்த அரசு நிராகரித்து உள்ளது.

இலங்கை : போரின் பின்னரான இரண்டு வருடங்கள், கொலையாளிகள் நீதியின் முன் நிறுத்தப்படுவார்களா? என்கிற தலைப்பில் இம்மாநாடு இடம்பெற்றது.

ஐரோப்பிய ஒருங்கிணைந்த இடதுசாரிகள் மற்றும் நோர்டிக் பச்சைக் கட்சி இடதுசாரிகள் அரசியல் கட்சியின் இம்மாநாட்டை ஏற்பாடு செய்து இருந்தனர்.

ஆனால் இம்மாநாட்டை அரசு நிராகரித்து உள்ளது என ஐரோப்பிய ஒன்றியத்துக்கான இலங்கைத் தூதுவர் ரவிநாத் ஆரியசிங்க தெரிவித்து உள்ளார்.

ஐரோப்பிய ஒன்றியத்தில் இலங்கைக்கு எதிராக தீர்மானம் நிறைவேற்றுகின்றமையில் தோல்வி கண்டு இருக்கும் ஐரோப்பிய ஒன்றிய இடதுசாரிகள் மற்றும் நேர்டிக் பச்சைக் கட்சி இடதுசாரிகள் இக்கூட்டத்தை புலி ஆதரவு சக்திகள் மற்றும் அனுதாபிகள் ஆகியோருடன் சேர்ந்து நடத்தி உள்ளார்கள் என்றும் ஐரோப்பிய ஒன்றிய இடதுசாரிகள் மற்றும் பச்சைக் கட்சி இடதுசாரிகள் கட்சிக்கு ஐரோப்பிய ஒன்றியத்தில் வெறும் 35 உறுப்பினர்களே உள்ளனர் என்றும் இக்கூட்டத்துக்கு உத்தியோகபூர்வ அந்தஸ்து எதுவும் கிடையாது என்றும் தூதுவர் மேலும் குறிப்பிட்டார்.