உலகி்ன் மிகக் கூடிய வயதுடைய மூதாட்டி காலமானார்!

by **T.KUNALAN** Fri 24 Jun 2011 - 17:19

உலகி்ன் மிகக் கூடிய வயதுடைய மூதாட்டி காலமானார்!

உலகின் வயதானவர் என்று கின்னஸ் சாதனை புத்தகத்தில் இடம்பெற்றிருந்த பிரேசிலை சேர்ந்த 114 வயது மூதாட்டி மரணமடைந்தார்.

பிரேசிலை சேர்ந்த மரியா கோம்ஸ் வாலென்டிம் (114) என்பவர், உலகின் அதிக வயதுடன் வாழ்பவர் என்று உலக சாதனை கின்னஸ் புத்தகத்தில் இடம் பிடித்தார்.

அதற்கான சான்றிதழ் கடந்த மாதம் அவருக்கு வழங்கப்பட்டது. இந்நிலையில், உடல்நிலை பாதிக்கப்பட்டு சிகிச்சை பெற்று வந்த மரியா ஞாயிறன்று காலமானார்.

மரியா 1896ம் ஆண்டு ஜூலை 9ம் தேதி பிறந்தார். திருமணமாகி ஆண் குழந்தை ஒன்றுக்கு தாயான இவரின் கணவர் 1946ல் இறந்தார்.

அன்று முதல் தனிமையிலேயே இருந்து வந்தார். எனது நீண்ட ஆயுளுக்கு காரணம் சத்தான உணவுகளை சாப்பிட்டு வருவதும், தேவையற்ற கவலைகளை கருத்தில் கொள்ளாததே என்று முன்னர் தெரிவித்து இருந்தார்.

மரியா இறந்ததையடுத்து தற்போது உலகின் வயதான மனிதர் என்ற பெருமையை அமெரிக்காவை சேர்ந்த பெஸி கூப்பர் என்ற மூதாட்டி பெற்றுள்ளார். இவர் மரியாவைவிட 48 நாட்களுக்கு பின் பிறந்தவர்.