இங்கிலாந்து எனக்கு பிடித்தமான எதிரணி

by **நேசமுடன் ஹாசிம்** Thu 7 Jul 2011 - 13:36

டெஸ்ட் கிரிக்கெட் போட்டிகளுக்கு இந்திய அணியில் நிரந்தர இடம்பிடிப்பதற்கு இங்கிலாந்து
தொடரை தான் ஆவலுடன் எதிர்நோக்குவதாக உலகக் கோப்பை கிரிக்கெட் தொடர் நாயகன் யுவ்ராஜ் சிங் தெரிவித்துள்ளார்.

"டெஸ்ட் கிரிக்கெட்டில் நான் சிறப்பாக விளையாட முன்னேற்றம் காண விழகிறேன், நான் இந்திய டெஸ்ட் அணியில் நிரந்தர வீரராக வேண்டும் ஆனால் அது அவ்வளவு எளிதல்ல என்பதை நான் அறிவேன். என்னுடைய டெஸ்ட் இடத்தைத் தக்கவைத்துக் கொள்ள பேட்டிங்கை பலப்படுத்த நான் முழு முயற்சியில் ஈடுபட்டுள்ளேன். ஒவ்வொரு சவாலிலும் ஒரு வாய்ப்பு உள்ளது. அதைத்தான் நான் இங்கிலாந்து தொடரில் எதிர்நோக்குகிறேன்.

உலகக் கோப்பை கிரிக்கெட்டின் போது நான் லேசாக இருமலால் பாதிக்கப்பட்டேன், ஆனால் எனக்கு மேல்மூச்சுக்குழல் நோய் இருப்பதாக மருத்துவர்கள் தெரிவித்ததையடுத்து ஓய்வு எடுத்துக் கொள்ள அறிவுரை வழங்கினர்.

மேற்கிந்திய தொடர் எனக்கு ஒரு சிறந்த வாய்ப்பாக அமைந்திருக்க்ம் ஆனால் சில விஷயங்கள் நம் கயில் இல்லை. ஆனால் இப்போது பெங்களூரு தேசிய கிரிக்கெட் கழகத்தில் கடுமையான பயிற்சியில் ஈடுபட்டுள்ளேன். ஏனெனில் சவாலான இங்கிலாந்து தொடருக்கு உடல் மற்றும் மன ரீதியாக பலம் பெறுவது அவசியம்.

இன்னிங்ஸின் முதல் பந்தை 0-வில் நீங்கள் தொடங்கும்போது பழைய சாதனைகள் என்பது ஒன்றும் இல்லை. இங்கிலாந்து எனக்கு பிடித்தமான எதிரணி. எனக்கு அவர்களுக்கு எதிராக விளையாடுவதில் தனி லயிப்பு உண்டு.

இங்கிலாந்தில் பந்துகள் ஸ்விங் ஆனாலும் பந்துகளை சரியாக கணிப்பது, பார்ட்னர்ஷிப்களை கட்டமைப்பது என்ற அடிப்படை எந்த சூழ்நிலைமையிலும் ஒன்றுதான்".

இவ்வாறு கூறியுள்ளார் யுவ்ராஜ் சிங்.