ஹசாரேயை விமர்சிப்பதை கைவிட்ட காங்கிரஸ்

அன்னா ஹசாரேயின் உண்ணாவிரதம் இந்தியாவில்
மட்டுமின்றி உலகம் முழுக்க வாழும் இந்தியர்களிடம் தாக்கத்தை ஏற்படுத்தி
இருப்பது, காங்கிரஸ்காரர்களின் வயிற்றில் புளியை கரைத்துள்ளது.


ஊழலுக்கு
எதிரான போராட்டத்தை எப்படி சீர்குலைப்பது என்று திணறிய அவர்கள், கடந்த சில
தினங்களாக அன்னா ஹாசாரேயை தனிப்பட்ட முறையில் விமர்சனம் செய்து வந்தனர்.
ஹசாரே மீது குற்றச்சாட்டுக்களைக் கூறினார்கள். ஆனால் ஒரு குற்றச்சாட்டை கூட
காங்கிரஸ்காரர்களால் நிரூபிக்க முடியவில்லை.மேலும் காங்கிரஸ்காரர்கள்
சொன்னதை பொதுமக்கள் யாரும் கண்டுகொள்ளவும் இல்லை.

இதனால்
சோர்வடைந்துள்ள காங்கிரஸ் மூத்த தலைவர்கள், தற்போது ஹசாரே விஷயத்தில்
தங்கள் அணுகுமுறையை மாற்றிக் கொண்டுள்ளனர். இனி ஹசாரேயை தனிப்பட்ட முறையில்
கடுமையாக விமர்சிக்கக் கூடாது என்ற முடிவுக்கு வந்துள்ளனர். அவரை குறை
கூறினால், அரசு மீது மக்களுக்கு மேலும் வெறுப்பு வந்து விடும் என்று
காங்கிரசார் பயப்படுகிறார்கள்.

உண்ணாவிரதம் இருப்பது
ஜனநாயகத்துக்கு எதிரானது என்று நேற்று வரை சொல்லிய சில தலைவர்கள் மவுனமாகி
விட்டனர். அன்னாஹசாரேயின் போராட்ட பாதை தவறானது என்று பிரதமர்
மன்மோகன்சிங் கூறினார். ஆனால் ஹசாரே காட்டும் பாதை தான் சரியான பாதை என்று
உணர்த்தும் அளவுக்கு நாடு முழுவதும் மக்கள் திரண்டெழுந்து கூட்டங்கள்,
ஊர்வலங்கள் நடத்தி வருகிறார்கள்.

இதை பயன்படுத்தி
எதிர்க்கட்சிகள் தங்களை பலப்படுத்தி ஓரணியில் திரண்டு விடக்கூடாதே என்ற
பயமும் காங்கிரஸ், தலைவர்களிடம் ஏற்பட்டுள்ளது. ராகுல்காந்தி யோசனையின்
பேரில் தான் காங்கிரஸ் தலைவர்களிடம் மாற்றம் ஏற்பட்டு இருப்பதாக
கூறப்படுகிறது.

அன்னா ஹசாரே உண்ணாவிரத போராட்டத்தை
எதிர்கொள்ளும் விஷயத்தில் காங்கிரஸ் மூத்த தலைவர்களிடம் கருத்துவேறுபாடு
ஏற்பட்டுள்ளது. போராட்டத்தை அடக்க வேண்டும் என்று சில தலைவர்கள்
கூறுகிறார்கள். ஆனால் போராட்டத்தை அப்படியே விட்டு விடலாம். அவர்கள்
தாமாகவே களைப்படைந்து வலுவிழுந்து விடுவார்கள் என்று மற்றொரு சாரார்
கூறுகிறார்கள்.

தற்போது லோக்பால் மசோதா பாராளுமன்ற
நிலைக்குழுவின் ஆய்வில் உள்ளது. அன்னா ஹசாரே குழுவினரை சமரசம் செய்வதற்காக
மேலும் ஒரு குழுவை மத்திய அரசு ஏற்படுத்தலாம் என்று காங்கிரஸ் மூத்த
தலைவர்கள் ஒருவர் யோசனை கூறியுள்ளார்.

அன்னா ஹசாரே
குழுவினர் நாடு முழுவதும் நடத்தி வரும் உண்ணாவிரதப் போராட்டங்களில்
ஊழலுக்கு எதிரான கோஷமே முக்கிய அங்கம் வகிக்கிறது. ஊழலை இந்த நாட்டை விட்டே
விரட்ட வேண்டும் என்ற ஆவேசம் மக்களிடம் காணப்படுவதைத் தான் இதை
காட்டுகிறது.

பல நகரங்களில் தேசப்பக்தி பாடல்களை
காந்திய வாதிகள் பாடி இந்த உண்ணாவிரதத்துக்கு வலுசேர்த்துள்ளனர். ஆனால்
உண்ணாவிரதக் கூட்டங்களில் ஊழலுக்கு எதிராக கோஷமிடும் போது, கூடவே மத்திய
அரசை எதிர்த்தும் கோஷங்கள் எழுப்புகின்றன. இது காங்கிரஸ் அரசுக்கு கடும்
நெருக்கடியை கொடுத்துள்ளது.

போராட்டம் வலுக்கும்
பட்சத்தில் ஊழலுக்கு எதிரான கோஷங்கள் மேலும் வலுவடையும் என்று
எதிர்பார்க்கப்படுகிறது. மத்திய அரசு தயாரித்துள்ள லோக்பால் மசோதாவுக்கும்,
அன்னா ஹசாரே குழுவினர் தயாரித்துள்ள மக்கள் லோக்பால் சட்ட முன்
வடிவுக்கும் ஏராளமான வித்தியாசங்கள் காணப்படுகின்றன.

குறிப்பாக
இரு லோக்பாலுக்கும் 10 முக்கிய வித்தியாசங்கள் உள்ளன. இவற்றில் சமரசம்
காண்பது என்பது மிக, மிக சவாலானது என்று நிபுணர்கள் கருதுகிறார்கள்.

லோக்பால்
சட்டத்தை அமல்படுத்தும் பிரிவில் 8 உறுப்பினர்கள் இருந்தால் போதும் என்று
அரசு சொல்கிறது. ஆனால் 10 உறுப்பினர்கள் வேண்டும் என்று ஹசாரே குழுவினர்
சொல்கிறார்கள்.

லோக்பால் தலைவர், உறுப்பினர்கள்
அனைவரும் ஓய்வு பெற்ற அரசு ஊழியர்களாக இருக்க வேண்டும் என்று ஹசாரே குழு
விரும்புகிறது. ஆனால் அரசியல் வாதிகள் இருக்க வேண்டும் என்று அரசு
சொல்கிறது.

இது போல ஊழலில் ஈடுபடுபவர்களிடம் நடத்தப்படும் விசாரணை, எடுக்கப்படும் நடவடிக்கைகளில் இரு தரப்பிலும் பெரிய வேறுபாடுகள் உள்ளன.

இவனை நாயை அடிப்பதுபோல் முதலிலேயே அடித்து துறத்தி இருக்க வேண்டும்

விமர்சிப்பதை நிறுத்க்தி வைத்து... சைலென்டா வேறு ஏதோ ப்ளான் பண்ணுவாங்க..

:”@: :”@: