முருகன், சாந்தன், பேரறிவாளன் சார்பில் இன்று வழக்குத்தாக்கல்

முருகன், சாந்தன், பேரறிவாளன் சார்பில் இன்று வழக்குத்தாக்கல்
தூக்குத் தண்டனையை எதிர்நோக்கியி ருக்கும் பேரறிவாளன், முருகன், சாந்தன் ஆகியோர் தனித் தனி அறைகளில் அடைத்து வைக்கப்பட்டுள்ளனர். இவர்களை 24 மணி நேரமும் பொலிஸார் கண்காணித்து வருகின்றனர்.

முன்னாள் இந்திய பிரதமர் ரஜீவ் காந்தி கொலை வழக்கில் பேரறிவாளன், முருகன், சாந்தன் ஆகியோருக்கு அடுத்த மாதம் 9ஆம் திகதி தூக்குத் தண்டனை நிறைவேற்றப்படவுள்ளதால் இந்த செய்தியைக் கேட்ட அந்த மூவரும் அதிர்ச்சியில் உறைந்தனர்.

தூக்குத் திகதி அறிவிக்கப்பட்டதையடுத்து வேலூர் சிறையில் உள்ள அவர்களைத் தனித்தனி அறைகளில் சிறை அதிகாரிகள் அடைத்துள்ளனர். அறையைவிட்டு வெளியே வர அவர்களுக்கு அனுமதி மறுக்கப்பட்டுள்ளது. அவர்களின் அறைகளை 24 மணிநேரமும் கண்காணித்து வருகின்றனர். வெளியில் இருந்து வரும் உணவு பண்டங்களை அவர்களுக்கு வழங்கவும் அனுமதி மறுக்கப்பட்டுள்ளது.

அவர்களுக்கு 3 வேளையும் சிறை உணவுதான் கொடுக்கப்பட்டு வருவதுடன், தீவிர சோதனைக்குப் பின்னரே உணவுகள் கொடுக்கப்படுவதாக இந்தியச் செய்திகள் தெரிவிக்கின்றன.

தூக்குத்தண்டனை உறுதியான பின்னர் அவர்கள் மூவரும் கலக்கத்துடன் காணப் படுவதாக சிறைச்சாலை வட்டாரங்கள் கூறுகின்றன.

அதேநேரம், தங்களுக்கு நிறைவேற்றப் படவுள்ள தூக்குத் தண்டனையை இரத்து செய்ய வேண்டும் என்று கோரி பேரறி வாளன், முருகன் மற்றும் சாந்தன் ஆகி யோர் சார்பில் இன்று சென்னை உயர் நீதிமன்றத்தில் வழக்குத் தாக்கல் செய்யப் படவுள்ளது.

இந்த மூவரின் கருணை மனுவையும் சமீபத்தில் குடியரசுத் தலைவர் பிரதீபா பட்டீல் நிராகரித்தார். இதையடுத்து இதுதொடர்பான கடிதம் ஒன்றை மத்திய உட்துறை அமைச்சகம், தமிழக அரசின் உட்துறை முதன்மைச் செயலாளருக்கு அனுப்பியது. அதில் மூவரின் கருணை மனுவும் நிராகரிக்கப்பட்டு விட்டதாகவும் உரிய நடவடிக்கைகளை மேற்கொள்ளுமாறும் தெரிவிக்கப்பட்டுள்ளது.

இதையடுத்து வேலூர் சிறையில் மூவ ருக்கும் தூக்குத் தண்டனையை செப்டம்பர் 9 ஆம் திகதி நிறைவேற்ற நாள் குறிக் கப்பட்டது. தூக்குத் தண்டனையை நிறை வேற்றுவதற்கான ஏற்பாடுகளும் தீவிரமாக இடம்பெற்று வருகின்றன.

இந்த நிலையில், மூன்று பேரும் இன்று சென்னை உயர் நீதிமன்றத்தில் மனுத் தாக்கல் செய்யவுள்ளனர்.

மூவரும் வழக்குத் தாக்கல் செய்யவுள்ள தால் தூக்குத் தண்டனை தற்காலிகமாக ஒத்திவைக்கப்படும் என்று எதிர்பார்க்கப்படு கிறது. சட்டப்படி தூக்குத்தண்டனை விதிக்கப்பட்ட கைதிக்கு உடல் நலம் பாதிக் கப்பட்டாலோ அல்லது அவர் சார்பில் வழக்கு தொடரப்பட்டாலோ தண்டனை நிறுத்தி வைக்கப்படும் என்பது குறிப்பிடத்தது.

:’|: