சவூதியில் கலவரம்; 11 பொலிஸார் உட்பட 14 பேர் காயம்

by **நண்பன்** Thu 6 Oct 2011 - 9:47

சவூதியில் கலவரம்; 11 பொலிஸார்
உட்பட 14 பேர் காயம்

சவூதி அரேபியாவில் ஷியா முஸ்லிம்களுக்கும், பொலிஸாருக்கும் இடையில் ஏற்பட்ட மோதலில்
11 பொலிஸார் உட்பட 14 பேர் காயமடைந்தனர்.
சவூதியில் கலவரம்; 11 பொலிஸார் உட்பட 14 பேர் காயம் W-3

சவூதியில் கலவரம்; 11 பொலிஸார் உட்பட 14 பேர் காயம் W-3

சவூதி அரேபியாவின் கிழக்கு பிராந்தியத் தின் ஷியா முஸ்லிம்கள் பெரும்பான்மை யாகக்
கொண்ட பகுதியிலேயே இந்த மோதல் இடம்பெற்றது. இதன் போது எதிர்ப்பாளர்கள் துப்பாக்கி
மற்றும் பெற்றோல் குண்டுகளைக் கொண்டு பொலிஸாரை நோக்கி தாக்குதல் நடத்தியுள்ளனர்.
இதில் 11 பொலிஸார் காயமடைந்தனர் அதேபோன்று பொலிஸார் நடத்திய துப்பாக்கிச் சூட்டில்
இரு பெண்கள் உட்பட மூன்று சிவிலியன்கள் காயமடைந்தனர். எனினும் நிலைமை
கட்டுப்பாட்டுக்குள் கொண்டுவரப்பட்டதாக சவூதி உள்துறை அமைச்சு குறிப்பிட்டுள்ளது.
அத்துடன் நாட்டின் இறையாண்மைக்கு பாதகம் விளைவிக்கும் செயல்களில் ஈடுபடுவோர்
இரும்புக் கரம் கொண்டு அடக்கப்படுவர் என எச்சரிக்கை விடுக்கப்பட்டுள்ளது. இரு
முதியவர்களை பொலிஸார் கைது செய்ததைத் தொடர்ந்தே இந்த மோதல் இடம்பெற்றுள்ளது. சவூதி
அரேபியாவில் ஷியா முஸ்லிம்கள் தொடர்ந்து அரசுக்கு எதிராக செயல்பட்டு வருகிறது.
கடந்த ஏப்ரல் மாதம் தொடக்கம் அங்கு 20க்கும் மேற்பட்ட ஷியா களை பொலிஸார் கைது
செய்துள்ளனர்.